Антонио Конте: “МЮ” ғалабани кўпроқ истади

“Рақиб ғалабага ҳақли эди. “Манчестер Юнайтед” ғалабага чанқоқлигини намойиш этди.

Албатта бу каби ҳолатларда барча айб мураббийнинг зиммасида бўлади. Аниқроғи, менга. Мен жамоани ғалаба сари руҳлантира олмадим.

Бу каби учрашувларда яхши ўйин кўрсатиш учун ўйинга жиддий ҳозирлик кўриш лозим. Биз барчамиз ишлашда давом этишмиз ва чемпионликка эришиш йўлини топишимиз лозим. Агар кимдир “Челси” совринни ютиши нормал ҳолат, деб ҳисобласа, адашади. Жамоа ўтган йили мавсумни 10-поғонада якунлади ва жорий мавсумни ҳам ўша кайфиятда бошлаганини эслаши лозим.

Айни пайтда “Тоттенхэм” ажойиб формада. Жамоа ажойиб кайфият билан ўйнамоқда. Биз ҳам ҳар бир учрашувда ғолиблик руҳи билан майдонга тушишимиз лозим”, дейди Конте.