Андрей Микляев: "Бу ўйин "Сепахон"га қарши баҳсга тайёргарлик вазифасини бажарди"

"Ҳисобдан қониқдим. Лекин ҳимоядаги ўйинимиз бироз ёқмади. Тезкор гол бизга ёрдам берди. "Сепахон"га қарши ўйинда ҳимоядаги бундай хатоларга йўл қўйиш ярамайди", - дея сўз бошлади "Локомотив" бош мураббийи Андрей Микляев.

Футболчиларимиз терма жамоаларга чақирилишди. Жароҳатлар ҳам бўлди. Тўхтахўжаевнинг жароҳати жиддий эмас. "Сепахон"га қарши ўйин олдидан унга дам беришга қарор қилдик. Яничич эса ҳали сафга қайтгани йўқ. Хатолар бўлган бўлсада, гол ўтказиб юборганимиз йўқ. Бу ўйин бизга эронликларга қарши ўйинга тайёргарлик вазифасини бажарди десак ҳам бўлади.

Ҳужумчилар нафақат ҳужум қилишни, балки ҳимояланишни ҳам билиши лозим.

Ўзбекистон Чемпионати ва Чемпионлар Лигаси бошқа бошқа савиядаги турнирлар.

Ёшлар доимий равишда бир темпда ўйин кўрсатмайдилар. Уларга вақти вақти билан имкон беришга ҳаракат қилмоқдамиз. Умид қиламизки, улар тажрибали футболчилар олдида тажриба орттирадилар", дейди "темирйўлчилар" устози Андрей Микляев.