“Ал Аҳли” ОЧЛда қаторасига учинчи мавсум клубларимиздан устун келмоқда
22 фев 2017 00:44
Янгиликлар

“Ал Аҳли” ОЧЛда қаторасига учинчи мавсум клубларимиздан устун келмоқда

Саудия Арабистонининг “Ал Аҳли” клуби ОЧЛ-2017 гуруҳ босқичи 1-турида ўз майдонида Тошкентнинг “Бунёдкор” (2:0) жамоасини енгди.

Шу тариқа Кристиан Гросс бошчилигидаги жамоа қаторасига учинчи мавсум юртимиз жамоаларини ортга қуруқ қўл билан қайтармоқда.

2015 ва 2016 йилги мавсумда жиддаликлар ўз майдонларида “Насаф”ни бир хил 2:1 ҳисобида таслим этишганди. Бу гал ҳам улар ўз анъаналарини давом эттиришди. Ўз навбатида “Ал Аҳли” ҳужумчиси суриялик Умар Сома ҳам қаторасига уч йилдан буён юртимиз жамолари дарвозабонларини ранжитмоқда. У 2015 ва 2016 йилда (2 марта) Элдорбек Суюнов қўриқлаётган дарвозани аниқ нишонга олганди. Бу гал Зуҳуров ҳам суриялик ҳужумчининг зарбасидан кейин ўз дарвозасидан тўп олиб чиқишга мажбур бўлди.