А Серия рекордини ўрнатган дарвозабон

Биринчи даврада у жамоасининг асосий дарвозабони эди, лекин янги йилдан сўнг вазият ўзгарди ва ротацияга мурожаат қилинди: Проведель беш учрашувда майдонга тушган бўлса, Бартоломей Драговский саккизта ўйинда иштирок этди.

Драговскийнинг чемпионатдаги статистикаси, "Аталанта"га қарши учрашувгача, ҳеч кимни хайратга солмаётганди — ҳар 90 дақиқага ўртача 2.24 тадан сейв – чемпионатнинг 29-кўрсаткичи. Ундан кейинги ўринда Войцех Щесни (2.08) бораётганди, аммо ҳеч кимга сир эмас, "Юве" рақиблари қанча зарба беради-ю, "Эмполи" дарвозасига қанча ҳужум бўлиши ўртасида каттагина фарқ бор.  

Мисол учун, "Аталанта" 36 маротаба рақиб дарвозасига зарба берди ("GdS" статистика, бошқа манбааларнинг маълумотила бу кўрсаткич 40 дан ҳам зиёд) ва уларнинг 18 таси дарвозага аниқ етиб борган. "Opta" Драговски 17 сейв амалга оширганини келтириб ўтди, лекин бу ерда сейвлар сони 17 тамиди ёки 18 та унчалик аҳамиятли эмас – бу топ-чемпионатлар рекорди, А Сериянинг 14 йил ичидаги рекорди (!).

Яна бир қизиқ жиҳат, Италия чемпионати баҳсларида 18 та аниқ зарба 2006 йил ноябрь ойидан буён қайд этилмаганди. Ўшанда "Рома" "Катанья" билан куч синашган. Сицилияликлар посбони эса Драговскидан анча ёмон ўйин ўтказганди – "Рома" 7:0 ҳисобида ғалаба қозонган. "Аталанта" сизга маълум "Эмполи" билан 0:0 ўйнади.