Анри ҳиссиётли эътироф билан бошлади:
"Мен "Реал"ни ёқтирмайман, лекин бугун мадридистман. Бу ерда Винисиус Жуниорнинг либоси аҳамиятга эга эмас".
Сўнг собиқ форвард "Бенфика" футболчиси Жанлука Престианнини жавобгарликка чақирди:
"Кел, сен қандай одам эканингни кўрайлик, Престианни. Нима деганингни айт! Сен албатта нимадир дегансан, чунки кейин Мбаппега яқинлашиб: "Мен ҳеч нарса демадим", дединг — бу нима дегани? Нега оғзингни ёпиб оляпсан?"
Анрининг таъкидлашича, футболчи қайси клубда ўйнашидан қатъи назар ирқчилик ҳақоратларини мутлақо қабул қилиб бўлмайди:
"Биз ҳаммамиз "Бенфика"ни ҳурмат қиламиз, лекин бир футболчининг индивидуал ҳаракатларини жавобсиз қолдириб бўлмайди. Агар сен ирқчилик мазмунида нимадир деган бўлсанг, сўзларинг учун жавоб беришинг керак".
Аввалроқ "Бенфика" вингери Престианни Винисиуснинг айбловига жавоб берган эди.
