Ана бўлмаса! Япония Жаҳон чемпионати бошланишига 2 ой қолганида бош мураббийни ишдан бўшатди
09 апр 2018 07:35
Новости

Ана бўлмаса! Япония Жаҳон чемпионати бошланишига 2 ой қолганида бош мураббийни ишдан бўшатди

Воҳид Халилходжич Япония терма жамоаси бош мураббийи лавозимини тарк этди.

65 ёшли босниялик мураббий ЖЧ-2018 бошланишига 2 ой вақт қолганидн ишдан бўшатилди. Айнан шу мураббий японларни Россиядаги мундиалга олиб чиққанди.

Япония март ойи сўнггида Мали (1:1) Украина (1:2) билан ўртоқлик учрашувларини ўтказганди. ЖЧ-2018га чиқа олмаган терма жамоалар билан ўйинлардаги натижалар раҳбариятга ёқмаган кўринади.

Япония футбол Федерацияси раҳбари Козо Ташима бугун янги бош мураббий номи эълон қилинишини айтиб ўтди.

Асосий номзод – Халилходжичнинг ёрдамчиси, Макото Тегурамори. У 2016 йилги Олимпиада ўйинларида Япония терма жамоасига устозлик қилган.

ЖЧ-2018 финал босқичида Япония Колумбия, Сенегал ва Польша билан бир гуруҳдан жой олган.