Рональд Куман Натан Аке "Ман Сити"ни тарк этиши лозимлигини айтди
08 окт 2025 00:18
Новости

Рональд Куман Натан Аке "Ман Сити"ни тарк этиши лозимлигини айтди

Ҳимоячи учун ниманидир ўзгартириш фойдали бўлиши мумкин.

Нидерландия терма жамоасининг бош мураббийи Рональд Куман ҳимоячи Натан Акенинг кўпроқ ўйин амалиёти олиш учун "Манчестер Сити"дан кетиши кераклигини маълум қилди.

"Биз бу масалани муҳокама қилдик. Вазият ўзгариши шарт. Кам ўйнаб туриб терма жамоа сафида қолиш мумкин эмас. Бу борада мунтазам ўйин амалиёти жуда муҳим," - дея Куманнинг сўзларини келтирмоқда de Telegraaf нашри.

Ўтган мавсумда Аке "шаҳарликлар" сафида 20 та ўйинда иштирок этди, аммо жароҳатлар туфайли жамоанинг асосий таркибидаги ўйинчисига айлана олмади. Жорий мавсумда ҳимоячи клубнинг олти учрашувида майдонга тушди. Натаннинг "Манчестер Сити" билан шартномаси 2027 йил ёзигача амал қилади. Transfermarkt сайтининг маълумотларига кўра, Акенинг ҳозирги трансфер нархи 25 миллион еврони ташкил этади.

Ссылка :

Источник : de Telegraaf

Получайте новости прямо в Telegram!

Рейтинг: +2