RU

Последние новости

18:13Петер Шмейхель: "Биз ўйнаган даврда жамоага мавсумда 10 очко келтиришимиз кутиларди, сўнгги йилларда бунинг аксига ўрганиб қолдик"  0 17:45Футзал. Ўзбекистон Тошкентда Қозоғистон билан ўйнайди  0 17:38Беллингем кам ўйин амалиётига эга бўлаётгани учун жамоани тарк этмоқчи  1 17:11"Арсенал" ва "Манчестер Сити" ПСЖ футболчиси учун рақобатлашади  1 16:44Big name, Big team, Big coach...  21 16:19"Футбол олами". "Ҳакам юзи ёрилган футболчини кўрди ва... контакт йўқ деди..."  0 16:10"Фабио футболчи ва мураббий сифатида катта тажрибага эга" – хорижлик мутахассислар муносабати  9 15:47"Манчестер Сити" Абдуқодир Ҳусанов туфайли режасини ортга суради  4 15:25"Арсенал" Йилдиз трансферидан умидвор  0 15:03Каннаваро қандай мураббий?  12 14:3924 ёшли дарвозабон, кучли жамоани ютган водий жамоаси устози, МТЖ ҳужумчиси — Суперлигада 24-турнинг энг яхшилари  1 14:15Фабио Каннаваро ҳақида билишингиз керак бўлган 15 та факт  6 13:54Гиоргадзе, Абдусаломов, Жалолиддинов, Кенжабоев, Сергеев... Суперлига 24-тур рамзий терма жамоаси  4 13:33"Қайрат"нинг 18 ёшли дарвозабони таълим грантига лойиқ кўрилди  2 13:08"Барселона" собиқ футболчиси Мемфис Депай ноодатий сабабга кўра Нидерландия терма жамоаси ўйинини ўтказиб юборади  3

Big name, Big team, Big coach... Новости

Big name, Big team, Big coach...

Ўзбекистон миллий терма жамоасига янги бош мураббий тайинланди.

Терма жамоамизни Жаҳон чемпионатида ишлаган ёки қайсидир жамоани Жаҳон чемпионатига олиб борган эмас, балки футболчи сифатида Жаҳон чемпионатини ютган ҳамда ўша йил (2006) "Олтин тўп"ни қўлга киритган Фабио Каннаваро бошқарадиган бўлди. Шундай қилиб, терма жамоа мураббийлар рўйхатини фамилияси "К" билан бошланадиган киши анъана сифатида давом эттирди: Купер, Катанец, Кападзе, Каннаваро... Балки бу ҳам яхшиликкадир.

Каннаваронинг бош мураббий бўлиши турлича қабул қилиняпти. Кимдир яхши деяпти, кимдир нотўғри тайинлов бўлди демоқда. Каннаваро футболчи сифатида катта ютуқларга эришган. Ўз пайтида "Парма", "Ювентус", "Реал" каби клубларда қойилмақом ўйнаган, Италия терма жамоаси сардори бўлган. Лекин унинг мураббийлик фаолияти ҳақида мақтаниб гапира олмаймиз. Асосан клубларда ишлаган ва пулга кўмилган пайти "Гуангжу Эвергранд"ни Хитой чемпиони қилганини ҳисобга олмасак, бошқа ютуғи йўқ.

Миллий жамоага янги мураббий тайинлашда ЎФА бир нечта вариантлар устида бош қотирган дейилмоқда. Номзодлар орасида Йоахим Лёвдан тортиб Славен Биличгача борлиги, Фотиҳ Терим билан ҳам музокара олиб борилгани қулоққа чалинди. Якунда эса Фабио Каннаваро билан шартнома тузилди.

Албатта, кўпчилигимиз номдор мураббий келишини кутгандик. Хусусан 2014 йил Жаҳон чемпионатини ютган Лёв келса қанийди дедик, лекин ундай бўлмади. Нима учун рози бўлмагани бизга қоронғу. Бир нарсани унутмайлик, Лёв каби ўз даражасини биладиган мутахассислар нимадир ишга киришишдан олдин етти ўлчаб бир кесади.

Жаҳон футболи жамоатчилигида Big name, Big team, Big coach каби атамалар кўп учрайди. Масалан, Роналду футболчи сифатида Big name, Аргентина - Big team, Анчелотти - Big coach ва ҳоказо. Нима учун буларни айтяпмиз? Футбол оламидаги Big coach - катта мураббийлар асосан Big team - катта жамоалар ёки Big club - катта клубларда ишлашни маъқул кўришади. Шу орқали улар ўз номини (Big name) сақлаб қолишга интилади.

Энди ўзимизга келадиган бўлсак, Каннаваро футболда Big coach эмас ва шуни унутмайликки, Ўзбекистон ҳам Big team эмас. Яъни, ҳамма ўз даражасига қараб мураббийига эга бўлади. Жаҳон чемпионатига чиққанимиз ўзбек футболи ёки Ўзбекистон терма жамоаси бирданига кучайиб қолганини билдирмайди. Имконият бор эди, шундай фойдаланиб ЖЧга чиқдик. Лекин бу ҳамманинг эътибори бизга қаратилади дегани эмас. Жаҳон чемпионатида бизга ўхшаб шов-шувли чиққанлар тарихда кўп бўлган.

Масалан, Каннаваро чемпион бўлган ЖЧ-2006ни олайлик. Ўша мундиални кўрган (Зидан калла қўйгани эсингизда бўлса керак) мухлис сифатида эслашим мумкин, Африкадан Того деган жамоа қатнашганди. Бу жамоа ўзи бир марта Жаҳон чемпионатида иштирок этган экан. Того таркибида Эммануэль Адебайор ("Арсенал" футболчиси)дан бошқа ҳеч кимни танимасдик. Ҳозир биз ҳам Того кабимиз. Яъни, таркибимизда Ҳусанов ёки Шомуродовдан бошқа бутун Европа танийдиган футболчи йўқ. Жаҳон чемпионатига бориб Ўзбекистон деганда ҳеч ким "вау" демайди. "Вау" дейиши учун қанча йиллар ва меҳнат керак.

2006 йилги мундиалда Того терма жамоасини германиялик мураббий Отто Пфистер бошқарган экан. Пфистерни биламизми? Йўқ. Аммо Отто Рехагелни биламиз. Худди биз каби Фабио Каннаваро ҳам Big coach эмас ва катта мураббий бўлиб танилиши учун анча машаққат чекиши зарур бўлади. Футбол жамоатчилиги мураббий Каннаварони биладими? Йўқ. Лекин ҳамма Фабио Капеллони билади.

Масалага бу томонлама қарйдиган бўлсак, тенг тенги билан мақоли шу жойга жуда мос тушади. Мураббийликда номи чиқмаган Каннаваро футболда номи чиқмаган Ўзбекистон терма жамоасини қабул қилиб олди ва бу нормал ҳолат. Ишонинг, биз ЖЧга чиққанимиз билан даражамиз у қадар юқори эмас. Катта мураббийлар эса даража ва савия бор жойга интилади. Бизнинг нимамиз бор? 1994 йил Осиё ўйинлари чемпионлиги билан 15 йилдан бери кўкрак кериб мақтайдиган Қатардаги Осиё чемпионатида ярим финалга қадар етиб борганимизми? Бошқа ҳеч нарсамиз йўқ. Шунинг учун ҳам Жаҳон чемпионатига чиқишнинг ўзи зўр мураббийлар эътиборини қаратишга сабаб бўла олмайди. Таққослаш учун Иордания ҳам ЖЧга чиқди, хўш нима бўпти.

Каннаваро тайинланишини ўзим қандай қабул қилдим? Тўғриси, янада кучлироғини кутгандим. Лекин Big team эмаслигимизни инобатга олсак, балки Каннаваро билан бошлаб кўрганимиз маъқулдир. Ҳар кимга ўзига мосини олади. Ҳозир эса бир саволга жавоб топиш қоляпти: Тимур Кападзенинг тақдири нима бўлади? Терма жамоа мураббийлар штабида қоладими ёки кетадими?

Бу борада шахсий фикрим қуйидагича: Кападзенинг терма жамоада футболчиларга таъсири катта ва бош мураббий бўлиб ишлаб кўрдими, буёғига Каннаварога ёрдамчи бўлиб қолган тақдирда таъсир кучи барибир Каннаварога нисбатан кўпроқ бўлиши мумкин. Яъни, бу ўринда футболчиларнинг ҳам Кападзе таъсиридан чиқиб кетиши осон бўлмайди. Бу эса Каннаваронинг эркин ишлашига халал беради.

Шунинг учун нима қилиш керак? Терма жамони Каннаваронинг ўзига қўйиб берайлик. Масаллиқниям ўзи тайёрласин, ошниям ўзи пиширсин, биз эса мухлис сифатида мазасини тотиб кўрамиз, ёқса зўр деймиз, ёқмаса бошқа ошпаз қидирамиз. Бу ўринда Кападзенинг ўчоққа ўт қалаб туришидан фойда йўқ. Тимур Тоҳирович умуман бошқа клуб ёки терма жамоада мустақил иш олиб борсинки, бу ўзи учун ҳам ниҳоятда фойдали бўлади. ЎФА Каннаварога ишониб шартнома туздими, буёғига омад тилайлик, балки омадимиз келиб Каннаваро билан бир босқич юқорига кўтарилармиз.

Шунингдек, янги мураббий ҳақида бошқа кишилардан фикр олаётганда провакацион саволларни тўхтатиш керак деб ўйлайман. Чунки четдагилар оғзига келганини гапираверади, эртага нимадир бўлса ўзимиз - ўз терма жамоамиз куйиб қолади. Шундай пайтда ҳеч ким бизга ёрдам қўлини узатмайди. 


Хайрулла Холиқов

Рейтинг: +5   

Комментарии

+6   
07 окт 17:37:04
Yamamonta Kanske
Kanavaroga omad. Kapadze ketdi, vso. Yegʻlagandan foyda yoʻq. Fabio baribir yevro mazasini koʻrgan, foydali jihatlari koʻp. Yaxshi trener boʻmasayam , yaxshi trenerlani koʻrgan. Roberto Dimateodan ham hich kim CHL yutishini kutmagan, lekin u epladi. Chelsi bilan Bavariyani oʻzini uyidan yutib kubiki Londonga ob keldi. Futbolda qib boʻmidi digan narsani oʻzi yoʻq. Hamma narsani ilojisi bor, faqat buning uchun hamma bir boʻlib harakat qilishi kere.
+3   
07 окт 17:29:21
Акрамжон Халилов
Жуда яхши мақола, Канавваро терма жамоамизни гуруҳдан олиб чиқсин, иштаҳамиз очилиб кетиб плей оффда ҳам қайсидир Европа гранд жамоасини уйига равона қилсаю ҳамма негатив фикрлаётганлар хотиржам бўлса, бундан ташқари Ўзбекистон бундан кейинги мундиалларда мунтазам қатнашадиган давлатга айланиши аниқроқ, кейинги ЖЧ га Канавваро ўзи тайёрласин.
+3   
07 окт 17:20:00
Umurzoqov Begali
Xuddi shu maqola kerak edi. Kopadze shu yigʻindan keyin ketishi kerak
Kopadzeni yordamchi boʻlishi Kannavaroni xoxishi emasligi aniq boshidan ishiga Federatsiya aralashishi sharmandalik. Xozirgi holatga Kannavaro shunchaki FIFA kunlaridan 2 kun oldin kelishi sababli koʻz yumish mumkin Lekin keyingisida Kopadze boʻlishi Haqiqatda Sharmandalik boʻladi!!!!
+2   
07 окт 17:31:08
Shovruq88
Man bir narsaga ahamiyat berdim
Doyim futbol borasida bir biri bilan urishadigan yuzerlar yani komment yozuvchilar hozir Kannavaro tarafida. Bilasizmi nimaga chunki ular futbolni tushunadi... Va toʻgʻri fikr yozadi.Va Oʻzbek futboli uchun qaygʻurgan insonlar ular!
Komentlarda Kannavaro ha qarshi boʻlyatganlarni man endi koʻrib turibman yani notanish shahslar gaplarida esa qandaydir manfaat yotadi.Yani ular nimadandir quruq qolishyapti.
Uyalinglar iltimos chunki sizdek gʻalamislar ming yillardan beri oʻz manfaati ni halqnikidan ustun qoʻyin nima ishlar qilmagan
+1   
07 окт 18:38:27
mahkis
Kannavaro kelgani mayli yaxshilikka bo'lsin, lekin Kapadzega shuncha negativ nima uchun? Qiyin vaqtda masuliyatni bo'yniga olib, natija qilgani uchunmi? Xolis bo'linglar-e
+1   
07 окт 18:30:33
Saidjamol
Zakazga yozilganga öxshaydi. Lekin ayrin heyterlarga gapimiz bu yerda hech kim Kopadze ketganiga yiglayotgani yoq. Shuncha pul behuda ketishiga achinyapti. Raz big team emas ekanmiz. Big money ham ketkazmaslik k-k edi
+1   
07 окт 18:08:26
assassin
Агар натижа яхши булса узи уйинчилар яхшиди дейишади агар натижа ёмон булса мураббий ёмон танлашда адашдик дейди тамом Каннаварони ёмонлаётганлар вазиятдан чикади. 2. Агар натижа яхши булса биз айтгандик эплайди деб дейишади. Натижа ёмон булса футболчилар уйнолмаса Гвардиола келсаям фойдаси йукда дейишади тамом Каннаварони макуллаётганлар вазиятдан чикади.
+1   
07 окт 17:49:20
TOMJIQ_OLOT
Зўр мақола! Холис фикрлар... Каннаваро бошчилигидаги Миллий терма жамоамизга омад тилаймиз!
+1   
07 окт 17:30:58
Deniz Arslanov
Агар омадимиз келмай каннавапо термада натижа кўрсата олмасачи? Яна безбетларча яна термани копадзега топшириладими? ёки бу сафар африка клубларидан ҳайдалган мураббий сифатида номи чиқмаган биронта "олтин тўп соҳиби" га миллионлаб доллар тўлаб таклиф этиладими?
   
07 окт 18:39:26
Зинуp
Ответ на комментарий пользователя assassin
Агар натижа яхши булса узи уйинчилар яхшиди дейишади агар натижа ёмон булса мураббий ёмон танлашда адашдик дейди тамом Каннаварони ёмонлаётганлар вазиятдан чикади. 2. Агар натижа яхши булса биз айтгандик эплайди деб дейишади. Натижа ёмон булса футболчилар уйнолмаса Гвардиола келсаям фойдаси йукда дейишади тамом Каннаварони макуллаётганлар вазиятдан чикади.
Жчга Катанец олиб чикди деябдику чиколмаганда Копадзе айбдор буларди) бу хам шунга ухшаганда
   
07 окт 18:28:22
uzb
Холиқовдан хам зур фекир чиқар экан,хақиқатдан мувлиф айтиб утганидек Конавародан 100% тулиқ унимли фойдаланиши истасак Темурни немидлино термадан узоқлаштиришлари керак,хеч булмаса ЖЧти тугагунча Темурни ердамчи қмлмасликлари керак,ЖЧ утсин кейин ишлайверсин,муалиф айтганидек футболчиларга у тасир кучини утказмай қолмайди
   
07 окт 17:52:12
Sho‘rchidan
Ответ на комментарий пользователя Deniz Arslanov
Агар омадимиз келмай каннавапо термада натижа кўрсата олмасачи? Яна безбетларча яна термани копадзега топшириладими? ёки бу сафар африка клубларидан ҳайдалган мураббий сифатида номи чиқмаган биронта "олтин тўп соҳиби" га миллионлаб доллар тўлаб таклиф этиладими?
Nimaga faqat Kopadzega topshiriladi? Nima undan boshqa odam yo‘qmi? Kannavaro eplolmasa, ketadi. Bu oddiy hol-ku butun dunyoda hech kim bo‘ldi aniq natija bo‘ladi deb aytolmaydi-ku. Nega Kannavaro ga bunday talab qo‘yilyapti? Nimaga aynan Kopadzedan boshqalar aytilmayapti?
   
07 окт 17:17:18
Shuxratcik Fcb
My heart will go on
   
07 окт 17:14:25
Umurzoqov Begali
Ответ на комментарий пользователя Zohidjon Usarov
Заказной макола булибди.Узбекистонни жуда ерга уриб юборманг Того каердаю биз каерда керак булса АКШ билан теппа тенг гаплашяпти Узбекистон.
Xa Judayam.... Ayniqsa Kopadze bilan Ummon bilan ham teng gaplashdik!!!!!
   
07 окт 17:11:42
Haqiqat-2
Маколани муаллифини 3-4 та абзацдан кейин хойнахой Хайрулла Холиков булса керак деган тахминда эдим... Укиб пастга тушсам худди узлари. Уз услубига эга, сих хам, кабоб хам куймасин тарзида ёзади!
championat.asia
< посмотреть последние новости
Яндекс.Метрика