Абдурауф Бўриев: "Ўртоқлик учрашувида ҳам майдонга ғалаба учун чиқиш керак"
13 фев 17:56
Новости
Абдурауф Бўриев: "Ўртоқлик учрашувида ҳам майдонга ғалаба учун чиқиш керак"
– "Оболон"га қарши ўйин қандай ўтди?
– Бугунги ўйин яхши ўтди, "кураш"га кўпроқ урғу берилди. Ҳамма ўйинга берилиб кетиб, ҳиссиётларини яшира олмади, шу боис жанговар бўлди. Натижага келадиган бўлсак, ютқаздик. Бу яхши эмас. Чунки ўртоқлик учрашуви бўлса ҳам майдонга ғалаба учун чиқиш керак. Бироқ хатоларимизни ўрганиб, назария орқали таҳлил қиламиз.
– Бунақа қизиққонлик Суперлигада зарарга ишлаши мумкин.
– Албатта. Чунки жамоага салбий таъсир қилиши мумкин, энг кераклиси бу – натижа.
– Жамоа ўйинида ўзгаришлар бор. Кетма-кет ўйинлар ва машғулотлар чарчатиб қўймаяптими?
– Ўзимизда ирода топишимиз керак. Чунки йиғин чемпионатга тайёргарлик мақсадида ташкил этилади, максимал даражада куч йиғишимиз керак. Чунки Суперлига узоқ давом этади. Шу боис, куч йиғиб, Худо хоҳласа, чемпионатга тайёр бўламиз.
– Майдонни соғинган Абдурауф Бўриев деймиз-да! Ҳозир машғулотларни аста-секин бошлаяпсизми?
– Ҳа, албатта. Жароҳатим бор эди. Сафга кеча қўшилдим. Бугун якка тартибдаги машғулот ўтдик. Кейинги ўйингача жамоавий машғулотларга қўшиламан.
– Жамоа мухлисларига тилакларингиз... Янги мавсумни "Пахтакор" стадионида бошласангиз керак?
– Албатта, севимли "Пахтакор" стадионимизда бошлаймиз. Мухлислар бизнинг 12-ўйинчимиз. Ҳар бир ўйинда уларни мухлислик қилиб турганини ҳис қиламиз. Уларнинг юзини ерга қаратмаган ҳолда ҳар мусобақада чемпионликка ҳаракат қиламиз.
Похожие новости
championat.asia
Ла Лига. "Осасуна" ўз майдонида "Реал Мадрид"ни мағлуб этди
Туркия Суперлигаси. "Истанбул Башакшехир" меҳмонда "Аланяспор"ни мағлуб этди, Шомуродов ғалаба голини урди
"Реал" Винисиусга нисбатан ирқчилик ҳақоратлари иши бўйича УЕФАга далилларни топширди
Тьерри Анри Винисиус билан боғлиқ ирқчилик ҳодисаси ҳақида: "Мен "Реал"ни ёқтирмайман, лекин бугун мадридистман"
Комментарии