Суперлига. "Нефтчи" захирадан тушганларнинг самарали ҳаракатлари эвазига "Локомотив"дан устун келди

Суперлига 

4-тур

"Нефтчи" – "Локомотив" 3:1 

Фарғона. "Истиқлол" стадиони. 16:00

Гол: Иброҳимҳалил Йўлдошев (Йован Жокич) 11', Стипе Перица (Жамшид Искандеров) 65', Алишер Одилов (Ратиньо) 88'  – Темурхўжа Абдухолиқов пенальти 36' 

Бош ҳакам: Аскер Нажафалиев

Ёрдамчи ҳакамлар: Руслан Серазитдинов, Бахтиёрхўжа Шавкатов

Захира ҳаками: Асадбек Қосимжонов

VAR: Ильгиз Танташев

AVAR: Андрей Цапенко

Назоратчи: Бахтиёр Намозов

Комиссар: Шерзод Ражабов

"Нефтчи": 1.Ботирали Эргашев, 2.Иззатилло Пўлатов, 5.Икром Алибоев (77.Ратиньо, 66), 6.Иброҳимҳалил Йўлдошев (34.Фарруҳ Сайфиев, 73), 7.Аброрбек Исмоилов, 8.Владимир Йовович (10.Жамшид Искандеров, 46), 9.Хуршид Ғиёсов (22.Алишер Одилов, 46), 20.Анваржон Ғофуров, 21.Муҳсинжон Убайдуллаев, 23.Йован Жокич, 32.Зоран Марушич (18.Стипе Перица, 46).

Захира: 16.Иброҳим Шокиров, 11.Асилбек Жумаев, 14.Далер Тухсанов, 15.Нурмуҳаммад Абдуғаниев.

"Локомотив": 1.Алексей Козлов, 9.Суҳроб Нуруллоев (7.Қувончбек Абраев, 72), 11.Темурхўжа Абдухолиқов, 14.Николай Иванов, 15.Александар Шушняр, 17.Сардор Мирзаев (70.Муҳаммадали Реимов, 62), 18.Олександр Кучеренко, 23.Диёр Туропов (28.Шуҳрат Муҳаммадиев, 62), 26.Абдуллоҳ Йўлдошев, 33.Олег Зотеев (10.Шодиёр Шодибоев, 86), 45.Йован Нишич (8.Билол Туплиев, 72).

Захира: 12.Никита Шевченко, 22.Суннатилла Поёнов, 61.Нурлан Ибраимов, 99.Муҳриддин Зоиров.

Огоҳлантириш: Муҳсин Убайдуллаев (34), Аброрбек Исмоилов (54), Стипе Перица (71). 

УЧРАШУВ ЯКУНЛАНДИ! 

90. Иккинчи таймга 6 дақиқа қўшиб берилди. 

88. ГОЛ! Ратиньонинг пасидан кейин Одилов дарвозабон билан бирга-бир ҳолатда қолди ва мўлжалда адашмади — 3:1! 

86. "Локомотив"да ўзгариш: Зотеев ўрнига Шодибоев баҳсни тугатиб қўяди. 

85. Ууух! "Нефтчи" қарши ҳужумга ўтиб кетди. Якунда Сайфиевнинг пасидан сўнг "темирйўлчилар" ҳимоячиси тўпни майдон ташқарисига чиқариб юборди. 

83. "Локомотив" тўпга эгалик қилган ҳолда ҳужумга шайланмоқда. 

79. Пўлатовга тиббий ёрдам зарур, у майдонда ётибди. 

73. "Нефтчи"да ўзгариш: Йўлдошев ўрнига Сайфиев тушди. 

72. "Локомотив"да 2 та ўзгариш: Нуруллоев ўрнига Абраев, Нишич ўрнига Туплиев баҳсни давом эттиради. 

71. Перица қоидани бузгани учун сариқ карточка олди. 

67. Зарба! Исмоилов тривела услубида зарба йўллади ва тўп ҳимоячиларга тегиб қайтди. 

66. "Нефтчи"да ўзгариш: Алибоев ўрнига Ратиньо туширилди. 

65. ГОЛ! Жамшид Искандеровнинг бурчак зарбасидан ошириб берган тўпини Стипе Перица бош билан дарвозага жойлаб қўйди — 2:1! 

62. "Локомотив"да 2 та алмаштириш: Мирзаев, Туропов ўрнига Реимов, Муҳаммадиев майдонга тушди.  

60. Кучеренко "Локо" олдидаги хавфни бартараф этиб, тўпни тепиб юборди. 

56. Зарбааа! Нуруллоевнинг ақлли пасидан сўнг Иванов зарба берди, Эргашев тўпни қайтарди! 

54. Аброр Исмоилов Зотеевга нисбатан қўполлик ишлатди ва огоҳлантирилди. 

51. Йўлдошев катта тезликда олдинга ўтаётган Одиловни ўз вақти тўхтатиб қолди, ҳимоячи тўпни майдон ташқарисига чиқариб юборишга эришди. 

47. Иброҳимҳалил Йўлдошевга тиббий ёрдам керак. У Нишич билан тўқнашиб кетганди. 

46. Иккинчи тайм бошланди! 

46. "Нефтчи"да 3 та ўзгариш: Ғиёсов, Марушич, Йовович ўрнига Одилов, Перица, Искандеров туширилди. 

Биринчи бўлим тугади. Ҳозирча ҳисоб тенг — 1:1. Танаффус! 

45. Биринчи бўлимга 1 дақиқа қўшилди. 

43. Қандай вазият! Алибоевнинг узун пасидан кейин Исмоилов тўпни эгаллаб, дарвозабонни четлаб ўтди, бироқ якуний зарба анча ноаниқ кетди. 

41. Убайдуллаев Абдухолиқов билан бирга-бир қолди ва тўпга ташланиб уни майдон ташқарисига чиқариб юборди.  

40. Меҳмонлар мезбонлардан бўш келмаган ҳолда омадини ҳужумдан изламоқда.  

36. ГОЛ! Тажрибали ҳужумчи Темурхўжа Абдухолиқов пенальтини голга айлантирди — 1:1! 

34. Пенальти! Убайдуллаев Кучеренкога нисбатан қоидани бузгани учун пенальти белгиланди ва айбдорга сариқ карточка берилди. 

31. Ууух! Йўлдошевнинг яқин масофадан йўллаган зарбасини Эргашев бартараф этди! Қойилмақом сэйв! 

28. Нуруллоевнинг бурчак зарбасидан ошириб берган тўпини "Нефтчи" аъзолари узоқлаштиришди. 

24. Зотеевнинг ҳаволатиб амалга оширган пасидан кейин якунда Ботирали Эргашев тўпни эгаллаб олди. 

20. Ууух! Нуруллоевнинг бурчак зарбасидан ошириб берган тўпини Йўлдошев бош билан дарвозага йўналтирди. Хавфли, аммо ноаниқ. 

15. Исмоиловнинг пасидан сўнг Йовович катта тезликда ичкарига кириб борди, бироқ тўп узоқлашиб кетиши оқибатида унга дарвозабон эга чиқди. 

11. ГОЛ! Иброҳимҳалил Йўлдошев олис масофадан тўп киритиб, ҳисобни очди — 1:0! Фантастик зарба! 

9. Йўлдошев майдон марказида Нишичга нисбатан қоидани бузди. 

6. Нуруллоев майдонда ётибди, Ғофуров жарима майдончаси ичида уни йиқитган бўлиши мумкин. VAR вазиятни текширди ва фоль қайд этилмади. 

3. Суҳроб Нуруллоев қанотдан ичкарига ёриб киришга уринди, аммо тўпни майдонда сақлаб қола олмади. 

1. Ўйин бошланди! 

- Беллашув 16:00 да бошланади.