Xitcfeldning topqirligi SHveycariyaga g'alabani taqdim etdi

Uchrashuvni har ikkala jamoalar ehtiyotkorlik bilan boshlashdi. Dastlabki daqiqalardanoq hujumga o'tishga shoshilishmadi. SHveycariya asosan qanotlarini faollashtirib, raqib nuqsonini izlashga kirishdi. Lekin ularning dastlabki rejalari ish bermadi. Ekvador ko'proq tezkor qarshi hujumlarga tayanib harakat qildi. Uchrashuvning 22-daqiqasida SHtefan Lixshtayner o'z qanotida raqibini qo'li bilan ushlab, to'xtatib qoldi. O'yinni boshqarib borgan Ravshan Ermatov bu vaziyatda Ekvador foydasiga jarima zarbasi belgiladi. Jarima to'pidan etkazib berilgan to'pni Enner Valensiya boshi bilan darvozaga joylab qo'ydi, 0:1.

Bundan voqealar rivojini kutmagan Ottmar Xitcfeld shogirdlari darhol oldinga initilishdi. Ketma-ket hujumlarni uyushtirgan shveycariyaliklar tarkibida so'nggi zarbani beradigan futbolchi topilmadi. Birinchi bo'limda Ottmar Xitcfeld jamoasi raqib darvozasi tomon naqd o'nta zarba yo'llashdi. SHularning ettitasi darvozaga aniq bordi. Lekin Ekvador posboni Aleksander Rodrigez ishonchli harakatlari bilan jamoasidan gollardan qutqarib turdi.

Tanaffusda Ottmar Xitcfeld jamoasi tarkibida o'zgarish kiritdi. Stoker o'rniga maydonga tushirilgan Mehmedi murabbiy ishonchini tezda oqladi va 48 - daqiqada Ekvador darvozasi tomon yo'l topa oldi, 1:1.

SHveycariya kiritgan to'pdan keyin ham hujumlar sonini kamaytirmadi. Imkon qadar vaziyatlar yaratib, raqib darvozasi tomon intildi. 

Uchrashuvning 70 - daqiqasida Yosip Drmich Ekvador darvozasiga ikkinchi golni kiritdi, ammo bu vaziyatda Bahodir Qo'chqorov bayroqchasini ko'tardi va o'yindan tashqari holat qayd etdi. Takroriy lavhada shu narsa ko'rindiki, to'p uzatilayotgan pallada Yosip Drmich offsaydda edi. Ammo to'p Ekvador himoyachiga tegib Drmichga keldi. Bu vaziyatda Ravshan Ermatov golni inobatga olmadi va to'p uzatilayotgan vaziyatdagi holatni hisobga olib, offsayd qayd etdi.

SHundan so'ng har ikkala jamoa azolarida raqib darvozasini nishonga olish uchun imkoniyatlar bo'ldi. Fon Bergen bir vaziyatda SHveycariyani goldan qutqarib qoldi.

Ottmar Xitcfeld shu kuni o'yini qovushmagan Yosip Drmich o'rniga Seferovichni maydonga tashladi. Eng qizig'i, Xitcfeld bu qarori ham amalda naf keltirdi.

Uchrashuvga qo'shib berilgan so'nngi daqiqalarda Ekvador ajoyib vaziyatga ega bo'ldi. Antonio Valensiya o'ng qanotdan raqib jarima maydonchasi ichiga yorib kirdi va qulay vaziyatga turgan jamoadoshiga to'pni uzatdi. Ammo qaerdandir Behrami paydo bo'lib, juda chiroyli harakat bilan to'pni undan olib qo'ydi va jamoasining tezkor hujumini boshlab berdi. Maydon markazida ekvadorlik futbolchi Behramini "podkat" bilan to'xtatmoqchi bo'ldi. Lekin Behrami yiqilganligiga qarmasdan, o'rnidan turib jamoasi hujumini rivojlantirdi. CHap qanotga jarima maydonchasi ichiga etkazib berilgan to'pni zaxiradan maydonga tushgan Seferovich Ekvador darvozasiga aniq yo'lladi va uchrashuvdagi yakuniy hisobni o'o'rnatdi, 2:1!

Ottmar Xitcfeldning topqirligi SHveycariyaga g'alabani taqdim etdi

Ravshan Ermatov boshqarib borgan o'yinda SHveycariya jamoasi irodali g'alabani qo'lga kiritdi.

SHVEYCARIYA - EKVADOR - 2:1 (0:1)

Brazilia. "Mane Garrincha" stadioni. 21:00

Bosh hakam: Ravshan Ermatov (O'zbekiston)

Yordamchi hakamlar: Abdulhamidillo Rasulov (O'zbekiston), Bahodir Qo'chqorov (Qirg'iziston)

Zaxira hakami: Sveyn Oddvar Mun (Norvegiya)

Gollar: Mehmedi 48, Seferovich 90+3 - E.Valensiya 22.

SHveycariya: Benalo, Lixtshtayner, Juru, fon Bergen, Rodriges, Bexrami, Inler, SHakiri, Jaka, SHtoker (Mehmedi, 46), Drmich (Seferovich, 75).
Ekvador: Dominges, Paredes, Guagua, Eraso, V.Ayovi, A.Valensiya, Noboa, Montero (Roxas, 77), E.Valensiya, Kaysedo, Gruezo.

Ogohlantirishlar: Paredes 53. Juru, 84.

SHahboz Beg'amov