Selyuk: "Husanov qanaqasiga 50 mln turadi? Maksimum – 20!"

"Men Xusanovni anchadan beri bilaman. U Belarusning “Energetik-BGU” jamoasida o'ynaganida futbolchim bilan bir xonadonda yashagan. Ko'rib turganingizdek, u o'zini ko'rsatgan va "Lans" qiziqishiga sabab bo'lgan. Keyinroq Franciyaga yo'l olgan. SHu erda savol tug'iladi: nega Rossiya klublari uni payqamadi? Bilasizmi, bazan Belarus va O'zbekistondan bo'lgan futbolchilarni RPL sport direktorlariga taklif qilsangiz, ular sizga xuddi siz xokkeychi haqida gapirayotgandek qarashadi... G'alati hikoya, alohida mavzu. SHunchaki tez-tez oyoqlaringizga qarashingiz kerak, bulutlarda uchib, yulduzlarga boqmasdan. Agar sizda 10 mln bo'lsa, albatta, kimnidir olib kelasiz. Lekin, tushuning, Husanovni topish pul to'lashdan ko'ra qiyinroq.

Husanovning Franciyaga moslashishi uchun biroz vaqt kerak bo'ldi. Bu mavsumda esa u o'zini yaxshi ko'rsatdi va endi, aytganlaridek, uni "Manchester Siti" so'rab keldi.

Yana bir narsa, OAVda paydo bo'lgan summalardan hayratdaman. Qanaqa 50 million? Nimalar deyapsiz? Men bunga ishonmayman. Qandaydir o'yin bo'layotganga o'xshaydi. 15 mlnga ishongan bo'lardim. Maksimum – 20. 40 mln va qandaydir bonuslar haqida yozishmoqda. 

Boshqa tomondan, "Siti"da juda ko'p pul bor. Ehtimol, ular bunday xaridni amalga oshirishga qaror qilishgan. Bilmadim... Lekin 50 million, albatta, juda ko'p! Dunyoda markaziy himoyachi uchun shunday pul to'laydigan ko'plab klublarni bilasizmi? Men – yo'q.

Eshiting, yozda "Roma" Dovbikni "Jirona"dan sotib oldi. 30 million evaziga. Bunda esa 50 haqida gap ketmoqda...", – dedi Selyuk.

Avvalroq yosh futbolchining o'tishi haqida Xayrulla Karimov, Server Jeparov va Timur Kapadze fikrlari bilan o'rtoqlashgan edi.