U-20 Osiyo kubogi. Faktlar va raqamlar

Qita turniri oldidan statistika ixlosmandlarini turnirga oid bazi faktlar bilan tanishtirib o'tamiz.

Indoneziya sari yo'l

Turnirning eng yaxshi 4 ta terma jamoasi joriy yil Indoneziya mezbonlik qiladigan U-20 Jahon chempionati yo'llanmasini qo'lga kiritadi. Agarda Indoneziya yarim finalga qadar etib boradigan bo'lsa, qo'shimcha yo'llanma uchun kurash olib boriladi.

Musobaqa o'tkaziladigan inshootlar

Uchrashuvlar ikki shaharning to'rt stadionida o'tkaziladi, bular: "Bunyodkor", "JAR", "Lokomotiv" (barchasi — Toshkent) va "Istiqlol" (Farg'ona).

Metin himoya

Eron, Yaponiya va Saudiya Arabistoni terma jamoalari saralash bosqichi davomida o'z daxlsizligini saqlab qolishdi. Aslida, Saudiya saralash guruhida musobaqa mezboni O'zbekistonga 1:2 hisobida imkoniyatni boy bergandi. Ammo mezbon jamoa ishtirokidagi har qanday natija rasman hisobdan chiqarilgan.

Eng sermahsul jamoa 

Yaponiya saralash bosqichida eng ko'p gol urgan jamoaga aylandi. "Samuraylar" jami 22 marta raqib darvozasini ishg'ol qilgan.

To'xtatib bo'lmas jamoa

Iordaniya SHimoliy Mariana orollari darvozasiga javobsiz 16 ta gol urib, saralash bosqichida bitta o'yinda eng ko'p to'p kiritgan jamoaga aylandi.

Saralash bosqichida oltitadan gol urgan Eron va Janubiy Koreya vakillari Amir Ibrohimzoda va Li Yon Jun final bosqichida ishtirok etadi. Biroq ulardan ham ko'proq to'p kiritgan (9 ta gol) yaponiyalik Kanta CHiba O'zbekistondagi musobaqada ishtirok etmaydi.

"Gol mashinasi"

Yuqorida tilga olingan eronlik Amir Ibrohimzoda saralash bosqichining bir o'yinida eng ko'p gol urgan futbolchi bo'ldi. Hujumchi Bruney ustidan 8:0 hisobida g'alaba qozonilgan bahsda beshta to'p kiritdi.

Muntazam gol uruvchilar

Janubiy Koreya futbolchisi Li Yon Jun, iordaniyalik Abu Taxa va indoneziyalik Rabbani Tasnim saralash bosqichining har bir uchrashuvida raqib darvozasini ishg'ol qilishga muvaffaq bo'ldi.

CHempionlarga boy turnir

Saudiya Arabistoni musobaqaning amaldagi chempioni hisoblanadi. SHuningdek, chempionlik uchun kurashayotgan 16 jamoa orasida yana etti nafar sobiq titul egalari mavjud, bular — Xitoy, Iroq, Eron, Yaponiya, Janubiy Koreya, Suriya va Qatar.

Sandiqlari to'lgan jamoa

Janubiy Koreya ushbu turnirda 12 marotaba zafar quchgan va bu eng yaxshi natija sanaladi.

Maydon ichida qolib ketayotgan U-20 Osiyo kubogi yoxud Toshkentda sezilmayotgan musobaqa shukuhi

U-20 Osiyo kubogi tarixidan. “Nas ne dogonyat“ yoxud Geynrixning Viktor Borisovga sovg'asi

U-20 Osiyo kubogida porlashi kutilayotgan yulduzlar

U-20 Osiyo kubogi haqida nimalarni bilishimiz lozim?

Oqil Abdubarnoev tayyorladi