"Speciya" forvardi Gyasi A Seriya doirasidagi o'yindan so'ng Ronaldu unga qanday maslahat berganini aytdi

Ronaldu koronavirusga chalinganidan so'ng ilk bor maydonga tushgan o'yinda dubl qayd etdi.

"Maydonni tark etish oldidan u bilan ozgina suhbatlashdik. Men unga o'yini ko'p, ayniqsa yosh futbolchilar kabi meni ruhlantirishini aytdim. U kuldi va bunday so'zlarni eshitishdan mamnunligini aytdi.

U menga minnatdorchilik bildirdi va iloji boricha o'z ustimda ko'proq ishlashni maslahat berdi. U aytdiki, bu orzularni ro'yobga chiqarishning yagona yo'li va erishib bo'lmaydigan narsa yo'q", - deydi Gyasi.