Sergey Lushan "Bunyodkor" bilan ilk g'alabasini tantana qildi

 Bunyodkor (Toshkent) – Andijon (Andijon) 2:0
Hakamlar: SH. Qosimov (Toshkent), J. Saidov (Toshkent), A. Po'latov (Toshkent), D. Dosanov (Toshkent)
Nazoratchi: I. Mustafin (Toshkent).

Gollar: Oleksandr Pishur (34, assistent - Sardor Rashidov), Sardor Rashidov (69)

"Bunyodkor": 45.Akbar To'raev, 2.Akmal SHorahmedov, 4.Xayrulla Karimov (S), 6.Anvar G'ofurov, 8.Javlon Ibroximov, 11.Oleksandr Pishur (Timur Ayupov, 59), 14.Voxid SHodiev (Anvar Berdiev, 75),  15.Islom Inomov, 21.Sardor Rashidov, 27.Sardor Sobirxo'jaev (Sato Minori, 82), 33.Oleg Zoteev.

Zaxira: 25.Murodjon Zuxurov, 5.Dilshod Jo'raev, 9.Minori Sato, 10.Anvar Berdiev, 18.Bobirjon Akbarov, 40.Sergey Simonenko, 54.Timur Ayupov
"Andijon": 32.Timur G'aniev, 2.Javlon Mirabdullaev, 4.Raximjon Qodirov, 6.Ibrohim Otaxonov (Asror Rahmonov, 46), 8.Bahrom Abdurahimov, 9.Lochin Soliev (Alisher Azizov, 79), 17.Mirzakamol Kamolov (Anvar Rajabov, 60), 18.SHahzod SHaymanov, 19.Alisher To'xtasinov, 20.Timur Sultonov, 23.Sergey Dacenko.

Zaxira: 30.Sergey Smorodin, 3.Davron Tursunov, 10.Anvar Rajabov, 22.Kamronbey Kapadze, 28.Rasul Rahmonov, 55.Asror Rahmonov, 88.Alisher Azizov

Ogohlantirish: Islom Inomov (67)


                                MATNLI TRANSLYACIYA
                                          YANGILASH



Uchrashuv yakunlandi! Sergey Lushan qo'li ostida "Bunyodkor" jamoasi o'zining birinchi g'alabasini nishonladi! 

90+2` Diqqatga sazovor vaziyatlar kuzatilmayapti.

90` Uchrashuvga 3 daqiqa vaqt qo'shib berildi.

88` "Andijon" bir nima qilib gol kiritdi. Lekin Alisher Azizov bu vaziyatda o'yindan tashqari holatda edi.

86` "Andijon" jamoasi taqdirga tan berdi. Mehmonlar futbolchilari to'pni shunchaki bir-birlariga uzatib turib, vaqtni o'tkazishmoqda.

84` "Bunyodkor"ning tashkil etgan hujumi xavfli ko'rinish oldi.

82` "Bunyodkor" safida yana o'zgarish: Sardor Sobirxo'jaev o'rniga Sato Minori qolgan daqiqalarda maydonda harakat qiladi.

79` Lochin Soliev o'rniga Alisher Azizov maydonga tushdi.

77` Ikkinchi bo'limda Sergey Lushan jamoasi birinchi bo'limgiga nisbatan mazmunliroq o'yin ko'rsatmoqda. Hujumlar sonida ham, sifatida ham o'zgarish bor.

75` Vohid SHodiev o'z o'rnini Anvar Berdievga bo'shatib berdi.

74` Mehmonlar burchak zarbasi tepishdi. Lekin "qaldirg'ochlar" himoyachisi aniq harakat qildi va xavfni bartaraf etdi.

72` Sardor Rashidov bugungi o'yinni ajoyib tarzda o'tkazmoqda. So'zsiz uchrashuvning eng yaxshi futbolchisi bo'lishga asosiy nomzod.

70` Mana buni gol deyiladi! Qoyil, Sardor Rashidov! Sardor deyarli maydon markazidan to'rt-besh himoyachini ortd qoldirdi va darvozaga yaqinlashib, to'pni kuchli zarba bilan darvozaning "to'qqizligiga" joylab qo'ydi!

69` GOOOOOOOOOOOOOOOOOOOOOOOOOOOOOOL! A-J-O-Y-I-B G-O-L! SARDOR RASHIDOV!

67` Islom Inomov sariq kartochka bilan siylandi.

65` Jamoalar hujum tashkil etishda xatoga yo'l qo'yishmoqda.

62` Timur Ayupovga Sergey Lushan imkoniyat berdi. ushbu futbolchi bugun ham raqib darvozasiga yo'l topa olarmikin?

60` Mehmonlar tarkibida o'zgarish: Mirzakamol Kamolov o'rniga Anvar Rajabov maydonga tushdi.

59` Oleksandr Pishur o'z o'rnini Timur Ayupovga bo'shatib berdi.

58` Sardor Rashidov mezbonlar o'yiniga fayz olib kirib turibdi. Aynan shu vinger faol o'ynamoqda.

56` Oleksandr Pishur chamasi 38-metrlar masofadan jarima zarbasini to'g'ri darvozaga yo'lladi. Xavfli zarba! Timur G'aniev qiyinchilik bilan to'pni qaytarib yubordi.

54` Sergey Lushan jamoasi hujumda o'ynamoqda. Vohid SHodiev sal aniqroq harakat qilganida yaxshi vaziyatga ega bo'lardi.

52` Nihoyat mehmonlar oldinga o'tishdi. Jarima zarbasini amalga oshirgan "burgutlar" undan samarali tarzda foydalana bilishmadi.

50` Azamat Abduraimov jamoasi hujum qilishni unutib qo'ygandek guyo...

49` "Andijon" himoyalanish bilan ovora. Hujumda hoizrcha ular jim.

47` "Andijon" tarkibida o'zgarish: Ibrohim Otaxonov o'rniga Asror Rahmonov tushdi.

46` Ikkinchi bo'lim boshlandi!

Birinchi bo'lim tugadi! TANAFFUS!

45+1` Sardor Rashidov!!!!! Bu bola nimalar qilmoqda?! Ajoyib harakatlar! Oleg Zoteev va Rashidov chiroyli kombinaciya uyushtirishdi va Sardor juda nozik ravishda to'pni Olegga uzatdi. Zoteevning zarbasiga biroz aniqlik etishmadi. Xavfli hujum!

45` Birinchi bo'limga 1 daqiqa vaqt qo'shib berildi.

44` "Andijon" so'nggi daqiqalarda maydon markazidan o'ta olmayapti.

42` Sardor Rashidov hozir juda chiroyli harakat qilib, ikkita raqib himoyachisini dog'da qoldirdi va o'tkir burchakdan darvoza tomon zarba berdi. Biroz noaniq. Sardor zo'r o'ynadi. Aynan shunday chiroyli harakat futbolni bezab beradi. Barakalla, Sardor Rashidov!

40` Vohid SHodievga tibbiy yordam ko'rsatilmoqda.

38` "Andijon" oldinga intilmoqda. Hujumda rang-baranglik kerak.

36` Sergey Lushan jamoasi ilk bor birinchi bo'limda gol kiritdi.

34` GOOOOOL! Oleksandr Pishur! "Qaldirg'ochlar" jarima zarbasini amalga oshirishdi. Sardor  Rashidovning etkazib bergan to'pini jarima maydonchasi ichida yolg'iz qolgan Pishur gol kiritdi.

33` "Bunyodkor"ning o'ng qanotdan uyushtirgan hujumi. Pishur boshi bilan Timur G'aniev darvozasi tomon zarba yo'lladi. Lekin noaniq.

31` Mehmonlar jarima zarbasi tepishdi. Javlon Mirabdullaev boshi bilan to'pga zarba bera olmadi. Qulay vaziyat edi.

29` "Bunyodkor" raqib jarima maydonchasi oldida qanday harakat qilishni unutib qo'yayotgandek...

27` Darvoza tomon aniq zarba yo'llaydigan futbolchilar topilmayapti...

25` "Bunyodkor" faollikni oshirdi. O'ng qanotdan Akmal SHorahmedov to'pni jamoadoshiga qulay qilib etkazib berdi. Ammo raqib himoyachisi bu vaziyatda ishonchli harakat qildi.

23` Qanday imkoniyat-a? Sardor Rashidov yaxshi ochilib bordi havodan kelgan to'pni chiroyli tarzda "Andijon" darvozasiga yo'llamoqchi bo'ldi. Ammo zarba noaniq ko'rinish oldi.

22` "Andijon"ning ikki nafar futbolchisi bir-biriga urilib ketdi. Maydonga shifokorlar tushishdi.

21` Ancha xavfli ko'rinish olgan burchak to'pi amalda hech narsasiz yakunlandi.

20` "Andijon" hujumda harakat qilmoqda. Burchak to'pi.

19` Oleksandr Pishur gol urdi. Lekin offsayd. Gol inobatga olinmadi.

18` Mehmonlar jarima zarbasini amalga oshirishdi. Lekin to'p shundoq Akbar To'raevni qo'liga borib tushdi.

17` Timur G'aniev oddiy vaziyatda to'pni bir harakatda ushlab olomadi. Sal qolsa Pishur bu "sovg'a"dan unumli foydalanardi.

16` Uchrashuv hakami SHerzod Qosimov hushtagini ko'p ishga solmoqda. Futbolchilar ham birz keskinlikni oshirib harakat qilishmoqda.

15` Sokinlik ostidagi futbol. Hech bir jamoa yarq etib ajralib turmayapti. Har ikkala jamoa ham o'yin sifati bo'yicha ancha inqirozda ekanliklarini isbotlashmoqda.

14` "Bunyodkor" ustunlikni o'z qo'liga oldi. Lekin hujumlar yo'q. Haqiqiy hujumlar. Oddiy to'p uzatishlar va yakuni yo'q hujumlar.

12` O'yin juda sekin. Qani tezlik?

10` Mezbonlar nihoyat hujumga o'tishdi. Lekin samarasiz. Timur G'aniev to'pni o'yinga kiritib beradi.

8` Vohid SHodiev mehmonlar sardori Ibrohim Raximovga nisbatan qo'pol o'ynadi. Raximov esa dod-voylagancha maydonda yotibdi. Futbolchilarning ovozi media-tribunagacha eshitilib turibdi. Kamdan-kam kuzatiladigan holat.

7` Uchrashuvdagi ilk zarba. Akbar To'raev bu vaziyatda ortiqcha qiyinchiliksiz to'pni egallab oldi.

6` O'yin darajasi unchalik yuqori emas.

4` O'tgan 3 daqiqa ichida mezbonlar aytarli to'p bilan muomalada bo'lishgani yo'q. "Andijon" hozircha raqibiga nisbatan faolroq...

3` "Andijon" oldinga intilmoqda. Lekin hozircha xavfli vaziyatlar yaratilmayapti. O'yin asosan maydon markazida kechmoqda.

1` Uchrashuv boshlandi! To'pni mehmonlar o'yinga kiritib berishdi...

Jamoalar PFL madhiyasi sadolari ostida maydonga chiqib kelishmoqda.

Stadionga 150 nafarga yaqin futbol muxlislari tashrif buyurishgan.


Bu uchrashuvni SHahboz Beg'amov matnli onlayn tarzida sharhlab boradi.

Assalomu aleykum qadrli futbol ishqibozlari!
"Jar" stadionidan yozamiz!
Oliy liga, 12-tur o'yini "Bunyodkor" - "Andijon" bellashuvidan saytimiz orqali matnli onlayn translyaciyamizni boshlaymiz.

- Uchrashuv soat 19:00da boshlanadi.