"Real" o'z maydonida 25 fevral kuni "Benfika"ni qabul qiladi. Dastlabki bahs safarda madridliklarning 1:0 hisobidagi g'alabasi bilan yakunlandi.
43 yoshli ispaniyalik mutaxassisning poziciyasi La Liga 25-turidan o'rin olgan "Osasuna"ga (1:2) qarshi o'yindan so'ng jiddiy izdan chiqqan. Chempionlar ligasidan chiqib ketishi uning Madrid klubidan iste'foga chiqarilishiga olib kelishi mumkin.
Shuningdek, klubdagilar Arbeloaning qarorlari mantig'ini tushunmayotgani va aniq o'yin modeli yo'qligidan norozi ekani aytilmoqda. "Real" rahbariyati bosh murabbiyning ko'p harakatlari futbolchilarga yoqishga qaratilganidan norozi.
Arbeloa "Real"ni yanvarda, Xabi Alonso iste'foga chiqarilganidan keyin qabul qilib olgandi. Uning qo'l ostida jamoa 10 ta o'yin o'tkazib, 7 ta g'alaba va 3 ta mag'lubiyat qayd etgan.
