O'zbekiston Prezidenti SHavkat Mirziyoev "Manchester Siti" klubi xo'jayini bilan uchrashdi
15 jan 19:18
Yangiliklar

O'zbekiston Prezidenti SHavkat Mirziyoev "Manchester Siti" klubi xo'jayini bilan uchrashdi

SHu kunlarda O'zbekiston Respublikasi Prezidenti SHavkat Mirziyoev rasmiy tashrif bilan Abu-Dabi shahrida bo'lib turibdi.

Bugun prezidentimiz SHavkat Miromonovich Angliyaning "Manchester Siti" klubi xo'jayini, BAA vice-prezidenti SHayx Mansur Ol Nahayon bilan uchrashdi.

Uchrashuvda o'zaro savdo va investiciyalar hajmini yanada oshirish masalalariga alohida etibor qaratildi. Uy-joy va transport infratuzilmasi, energetika, tog'-kon sanoati, shaharsozlik, raqamlashtirish va boshqa sohalarni rivojlantirish bo'yicha kooperaciya loyihalarini ilgari surish muhimligi qayd etildi.

Suniy intellekt borasida, shu jumladan soha mutaxassislarini tayyorlash bo'yicha qo'shma loyiha va dasturlarni amalga oshirish istiqbolli yo'nalish sifatida belgilandi.

Eslatib o'tamiz, SHayx Mansur Ol Nahayonga tegishli "Manchester Siti" klubi hamyurtimiz Abduqodir Husanovni "Lans"dan 40 mln evro + bonuslar evaziga sotib olmoqda. 20 yoshli himoyachimiz juma kuni yangi klubida tibbiy ko'rikdan o'tadi.