Eldor Shomurodov: "Umuman olganda yomon o'ynamadik"

"Kutilganidek og'ir o'yin bo'ldi. Ikkinchi bo'limning dastlabki 15-20 daqiqasida etiborni biroz yo'qotdik va raqib bizni jazoladi. Umuman olganda yomon o'ynamadik. Kamchiliklar bor, ular ustida ishlashimiz kerak. Yangi murabbiy bilan hali ko'p jihatlar ustida ishlaymiz", - dedi Eldor Shomurodov bahs yakunlangach.

- Bugun jismoniy jihatdan biroz oqsadik. Texnik yoki boshqa jihat bo'yicha emas, aynan jismoniy holatimiz bo'yicha fikr bildirsangiz...

- Birinchi navbatda tarkib biroz o'zgardi. Shuni ham hisobga olish kerak. Bahona deb tuyulishi mumkin, ammo ikki kun oldin uchib keldik. O'tgan uchrashuvdan keyin to'liq tiklanmadik va to'liq mashg'ulot o'tkazmagan edik. Faqatgina kecha to'liq mashg'ulot o'tkazdik.

- Kannavaro kelganidan so'ng o'yin sxemasi keskin o'zgarmadi. G'aniev bugun o'ng qanotda o'ynadi. U o'ziga xos bo'lmagan poziciyada o'ynagani biroz noqulaylik tug'dirgandek...

- Aziz uchun qulay poziciya bo'lmadi, lekin Aziz ham yomon o'ynagani yo'q. Murabbiy shunday tanlov qildi. Raqib haqiqiy kuchini ko'rsatdi yoki maydonda bor kuchimizni ko'rsata oldik deya olmayman. Maydon holati ham alo darajada emas edi. Bunday maydonda har bir jamoaning kuchlari tenglashib ketadi.