O'zbekiston Kubogi. "Paxtakor" - "Lokomotiv". Prevyu

Toshkentda "Paxtakor" "Lokomotiv"ni qabul qiladi. O'tgan juma kuni TTYMI stadionida kechgan uchrashuvda "Lokomotiv" Ibrohim Rahimovning yagona goli evaziga g'alaba qozongandi. Jamoamiz finalga yo'l olishi uchun 2 to'p farqi bilan g'alaba qozonishi zarur. Agar asosiy vaqt 1:0 hisobida yakunlansa, unda qo'shimcha bo'limlarga murojaat qilinadi. SHunda ham natija saqlanib qolsa, unda penaltilar seriyasiga murojaat etiladi.

Jamoalar tarkibida diskvalifikaciya sababli maydonga tusha olmaydigan futbolchilar yo'q. Jarohatlar xalal bermagan taqdirda barcha etakchi o'yinchilarning harakatlariga guvoh bo'lishimiz mumkin. Uchrashuv 1 iyul, seshanba kuni "Paxtakor" Markaziy stadionida soat 19:30da boshlanadi.

Bellashuvni Valentin Kovalenko boshchiligidagi hakamlar guruhi boshqarib boradi. Ushbu referi birinchi davrada 2:2 hisobida yakunlangan bahsni boshqargandi. "Loko"ning chempionatda "Metallurg" va kubokda "Dinamo" bilan Samarqanddagi o'yinlarini boshqargan.

"Paxtakor" - "Lokomotiv" bahsiga tashrif buyurib, "Sog'lom bola yili"ga bag'ishlangan "Omadli muxlis" ijtimoiy akciyasida ishtirok etish va esdalik sovg'alari sifatida 2ta smartfon, U Cell va Sharq Telecom kompaniyalaridan esdalik sovg'alari, Fitness House sog'lomlashtirish markazidan bepul oylik abonementini yutib olish imkoniyatiga ega bo'lasiz. CHiptalarni "Paxtakor" Markaziy stadioni kassalaridan xarid qilishingiz mumkin. CHipta narxi 5000 so'm. Barchani jamoamiz uchun muhim bo'lgan uchrashuvga taklif etamiz.


"PAXTAKOR" - "LOKOMOTIV"

Hakamlar: Valentin Kovalenko (Toshkent), Rafael Ilyosov (Toshkent), Mamur Saidqosimov (Toshkent), Dmitriy Pislegin (Toshkent).

Nazoratchi: Aleksandr Popov (Toshkent).