Otabek Narzullaev: "So'g'diyona" OFK Kubogi g'olibi bo'lishini istayman"

- "So'g'diyona" jamoasini bugungi g'alaba bilan tabriklaymiz. Raqibning kuchli va kuchsiz tomonlarini yaxshi bilardik. Ularning bo'sh tomonlaridan foydalanishga harakat qildik. Ko'plab vaziyatlardan foydalana olmadik. Bahsda yoshlarimizga ham imkoniyat berdik. Umid qilamanki, ular ushbu o'yinda yo'lga qo'ygan xatolari ustida ishlashda davom etishadi. Bizda jarohatlar bor edi. 28 avgust kuni "Turon"ga qarshi o'yinimiz bor. Aynan shu o'yin orqali "Turon"ga qarshi bahsga tayyorlandik. "So'g'diyona" o'yin bobida ham, muhim borasida ham bizdan kuchli ekanligini bilib turdik. Ularning kuchli ekanligini yaxshi bilardik. Birinchi bo'limda raqibga imkoniyat ham berdik, o'zimiz ham bunga ega bo'lib, gol ura olmadik.

- "So'g'diyona"ning OFK Kubogidagi o'yinlarini tomosha qildingizmi?

- Ha, jamoaning so'nggi barcha o'yinlarini ko'rdik. Raqibni ancha vaqt taxlil qildik. O'z xatolarimiz sababli bugun mag'lub bo'ldik. "So'g'diyona"ga OFK Kubogidagi navbatdagi o'yinlarda omad tilaymiz. Ular yaqinda O'zbekiston nomidan Gonkong klubi bilan o'ynashadi. "So'g'diyona"ning OFK Kubogi g'olibi bo'lishini istaymiz. Bu o'yin orqali biz kuchlilar safiga qaytishni istaymiz. "So'g'diyona" bilan o'yinni taxlil qilib, xatolar ustida ishlaymiz.