O'zbekiston faxri Odil Ahmedov faoliyatidagi eng kuchli murabbiy kim? 2011 yilgi tarkibga hozirgi futbolchilardan kimlarni qo'shardi?

Podkast mualliflaridan biri Nodirxo'ja Yuldashev Ahmedovga qiziq savol bilan murojaat qildi.

- Agar sizda O'zbekistonning 2011 yilgi tarkibiga hozirgi 3 nafar futbolchini qo'shish imkoni bo'lganida, ular kimlar bo'lardi?

- Men 4 kishini qo'shaman (kuladi). Abduqodir Husanov, Abbos Fayzullaev, Jaloliddin Masharipov va Eldor Shomurodov.

Shundan so'ng vaziyatga, podkast mualliflaridan yana biri Alisher Uzoqov qo'shildi va savolni biroz o'zgartirib: "Aksincha hozirgi tarkibga 2011 yilgi jamoadan qaysi futbolchilarni qo'shardingiz?", deya svol berdi.

"Ignatiy Nesterov, Vitaliy Denisov, Aziz Haydarov va Aleksandr Geynrix", – dedi terma jamoa sobiq sardori.

Shuningdek, Ahmedov suhbat davomida taktik tarafdan faoliyatidagi eng kuchli murabbiy kim bo'lganini aytib o'tdi:

"Umumiy olib qarasak, Gus Xiddinkning taktik yondashuviga alo baho qo'yardim. Mashg'ulot jarayonlarida kamchiliklari bor edi, ammo taktik taraflama juda kuchli mutaxassis bo'lgan. Mashg'ulot bo'yicha portugaliyalik murabbiylar Andre Villash-Boash va Vitor Pereyra ustasi farang edi.

Gus Xidding maketda tushuntirib, futbolchiga hammasini to'g'ri etkazib bera olardi. Siz taktik tomondan nima qilishingizni aniq bilardingiz. Evropalik murabbiylar ikkita xato bo'ladi deb hisoblaydi. Bular – taktik va individual. Individual xato har doim uchrab turadi, chunki aldaganingda oldirasan, tepganingda noaniq zarba berasan, lekin taktik xato qilishga haqqing yo'q deyishardi".

"90minutuz" podkasti to'liq holda: