Mustafo Bayramov: "No'mon Hasanov ko'rsatmalari bilan o'yinda o'zgarish qila oldik"

Mustafo Bayramov, “Navbahor” jamoasi bosh murabbiyi: “CHempionatning so'nggi turini g'alaba bilan yakunlashni maqsad qilgandik. Biroq birinchi bo'limda omad bizdan yuz o'girdi, o'yinimiz qovushmadi. Raqib o'yinchilari esa yaratilgan imkoniyatlaridan foydalanib, darvozamizga ikkita to'p kiritishga erishishdi. Ikkinchi bo'limda No'mon Hasanov futbolchilarga ishonchli o'yin namoyish etib, qo'rqmasdan harakatlanish lozimligini o'qtirib, kerakli ko'rsatmalarni bergach "Navbahor" o'yinida o'zgarish ro'y berdi. Qolaversa, muxlislarimizga ham ajoyib qo'llab-quvvatlaganlari uchun tashakkur bildiraman. Bugun ular tinmay jamoamizni olg'a boshlab turishdi. SHuningdek ikkinchi taymda maydonga tushgan futbolchilar ham o'yinda burulish yasashga muvaffaq bo'lishdi. SHuning uchun aytishim mumkinki, o'zgarishlar o'z so'zini aytdi va bizga foyda keltirdi".