Murod Ismoilov: "Navbahor"ni ushbu durang bilan tabriklayman"

Murod Ismoilov, “Paxtakor” jamoasi bosh murabbiyi: “Bugun ikki xil bo'lim guvohi bo'ldik. Birinchi taymda ikki to'p farqi bilan hisobda oldinga chiqib olgandik. O'yinning ikkinchi yarmida ham gol urish uchun imkonimiz bo'lgandi, biroq raqibimiz o'z muxlislari ko'z o'ngida o'zlarini ko'zrsatib, ikki vaziyatda foydalanib, hisobni tenglashtirishdi. Uchinchi o'rin olish imkoni qolmaganligi bois garchi shogirdlarim g'alaba qozonmoqchi bo'lishsada, bu ularning ruxiyatiga tasir o'tkazdi. Qolaversa, tarkibda bir qator yo'qotishlar mavjud edi. Boyan Miladinovich va Aleksandr Merzlyakov jaroxati tufayli bizga yordam berisholmadi. Stanislav Andreev, Dilshod SHarofutdinov va Oybek Qilichevlar jaroxati bilan harakat qilishdi. "Navbahor"ni ushbu durang bilan tabriklayman. Umuman olganda mavsumdagi o'yinimizdan qoniqish xosil qildim, ammo natija "Paxtakor" uchun yaxshi emas. O'yinimizda o'sishga erishdik. Ikkinchi davrada bir mag'lubiyat va ikki durang qayd etdik. qolgan barcha uchrashuvlarda g'alabaga erishdik. Qiyin vaziyatlardan yigitlarimiz chiroyli chiqib ketishdi. Buning uchun ulardan minnatdorman”.