Konkurs natijalari: Faqat bir kishi "Lokomotiv"ning tarkibini to'g'ri topibdi

Xabaringiz bor, kecha o'yin bo'lib o'tdi va bunda "Lokomotiv" "Bunyodkor"ni yirik 3:0 hisobida mag'lub etdi.

Rasmiy saytimizga konkurs shartlarini elon qilganimizdan so'ng yaqin ikki kun ichida elektron pochtamizga 80ga yaqin xat kelib tushdi. "Lokomotiv"ning boshlang'ich tarkibini topishga uringanlar talaygina. Qizig'i shundaki, bazilar o'z variantini jo'natayotib 11talik orasida Fozil Musaev, Artyom Filiposyan kabi futbolchilarni ham qo'shgan. To'g'ri, bu o'yinchilar oldin "Loko"da o'ynagan, lekin hozir emas.

Demak, kechagi bahsda Vadim Abramovning boshlang'ich tarkibi quyidagicha bo'ldi:
Mamur Ikromov
SHavkat Mullajonov
Sardor Mirzaev
Temurxo'ja Abduxoliqov
Lutfulla To'raev
Jasur Hasanov (kichik)
Islom To'xtaxo'jaev
Sanjar SHoahmedov
Ikrom Aliboev
Nemanya Yanichich
Jasur Hasanov (katta)

Endi konkurs natijalarini elon qilamiz. Bizga kelgan 80ga yaqin xat orasida 11talik tarkibni faqat bir kishi to'g'ri topibdi. To'g'ri variant bizga [email protected] elektron manzilidan kelgan. To'g'risini aytganda, xatlarni birma-bir ko'rib chiqayotib hech kim aniq tarkibni topa olmasa kerak degan xayolga borgandik. CHunki jamoamiz bosh murabbiyi Vadim Abramov tarkibni tez-tez o'zgartirib turishni xush ko'radi. Lekin baribir g'olib topildi. SHunday ekan, [email protected] orqali bizga xat yuborgan muxlisimizni g'oliblik bilan tabriklab qolamiz. Bu manzildan bizga yana shunday yozuv kelgan: Men Andijondan, umid qilaman navbatdagi g'alabani. 3:1 - menda variant shu. Bu muxlisimiz hisobni topishda salgina adashibdi. O'yin 3:0 hisobida yakun topdi.

SHuningdek, bitta futbolchiga adashganlar ham ko'pchilik ekan. Xususan quyidagi pochtalar orqali yuborilgan variantlarda faqat bitta xatolik bor. Bilasizmi, ko'pchilik kimda adashgan? Ko'pchilik Marat Bikmaevni asosiy tarkibga qo'ygan. Biroq u kechagi bahsda zaxiradagilar qatoridan joy oldi. Asosiy tarkibda esa Temurxo'ja Abduxoliqov o'ynadi. Bitta o'yinchiga adashgan muxlislar ro'yxati:
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]
[email protected]

SHunday qilib ushbu konkursimizning g'olibi [email protected] elektron pochtasi sohibi bo'ldi. Vada qilganimizdek, u kishiga 21 aprel kuni "Al Hilol" bilan bo'ladigan o'yinga ikkita chipta beramiz. Atigi bitta o'yinchiga adashgan qolgan 10 nafar konkurs qatnashchilarini ham etiborsiz qoldirmaymiz va "Lokomotiv"ga befarq bo'lishmagani uchun ularga ham chipta taqdim etamiz. Yaxshi bilasiz, "Lokomotiv" o'z maydonida "Al Sadd"ni 5:0 hisobida mag'lub etganidan so'ng jamoamizda guruhdan chiqish imkoniyati yuzaga keldi. Endilikda biz uchun "Al Hilol"ga qarshi kechadigan bahs juda muhim hisoblanadi. SHunday ekan, mana shu bellashuvda muxlislar ko'magi futbolchilarimizga juda kerak. "Al Hilol" - ancha jiddiy raqib, lekin zo'r o'ynab ularni ham mag'lub etsa bo'ladi. Va aminmizki, "Lokomotiv" muxlislari bunga ishonadilar.

Izoh: Yuqorida elektron pochtasi keltirilgan 10 nafar ikkinchi o'rin egasi hamda bir nafar g'olibni biz bilan yana bog'lanishlarini so'raymiz. [email protected] pochtamizga xat yozing va bizga ism-sharifingiz hamda telefon raqamingizni qoldiring. SHunda biz ham Siz bilan bog'lanamiz. Bizni kuzatishda va "Lokomotiv"ga muxlislik qilishda davom eting. Bir-biridan qiziq konkurslar hali oldinda.

"Lokomotiv" PFK matbuot xizmati.