Grigoriy Kolosovskiy: "Paxtakor" doimo chempionlik uchun kurashadi"
03 mar 2017 19:41
Yangiliklar
![](https://championat.asia/upload/storage/242949_original.jpg)
![](/upload/storage/242949_220.jpg)
Grigoriy Kolosovskiy: "Paxtakor" doimo chempionlik uchun kurashadi"
"Mavsum endi boshlangan bo'lsada o'yinimiz ancha yaxshi chiqdi. Ikkinchi bo'limda ko'proq tashabbusga egalik qildik va muhim g'alabani qo'lga kiritdik. Bazi vaziyatlarda yaxshi, bazida esa ko'ngildagidek harakat qilolmadik. Umuman olganda uchrashuv ancha qiziqarli va yaxshi o'tdi. Barcha futbolchilarimizga bugungi o'yin uchun minnatdorchilik bildiraman", - deya o'yin haqidagi fikrlarini bildirib o'tdi Grigoriy Kolosovskiy.
- Igor Sergeevning jarohati jiddiymi?
- "Buxoro" bilan bo'lib o'tgan nazorat uchrashuvi Igor Sergeev jarohat oldi. Umid qilamizki, Sergeev tezda safga qaytadi. "Neftchi" bilan bo'ladigan uchrashuvga qadar hujumchi tarkibga qaytsa albatta yaxshi bo'lardi.
- "Paxtakor" oldiga qanday vazifa qo'yilgan?
- Bizning oldimizga doimo chempionlik vazifasi qo'yiladi. Albatta bosh toj uchun kurash olib boramiz.
- Jamoaning mavjud tarkibi chempionlik uchun kurashishga yo'l qo'yadimi?
- Albatta. Tarkibimizda Lobanov, Sergeev singari yuqori malakali futbolchilar bor.
- Demak qo'l ostingizdagi futbolchilardan ko'ngliz to'q?
- Qisman bazi jihatlarni inobatga olmaganda, ha. Bu borada ko'nglim to'q.
P.S. Matbuot anjumanining birinchi qismida "Qizilqum" bosh murabbiyi Hamidjon Aktamov qon bosimi ko'tarilgani sababli ishtirok eta olmadi.
O’xshash yangiliklar
![AMP Logo](https://championat.asia/image/logo-amp.png)
Fikrlar