Grigoriy Kolosovskiy: "Muhim g'alabani qo'lga kiritdik"

- Har ikki jamoa hujumkor futbol namoyish etdi. Biz bir qator golli imkoniyatlarni yuzaga keltirdik. Afsuski, vaziyatlardan foydalanishda muammolarga duch kelyapmiz. Ikkinchi to'pni kiritishda qiynaldik. Hisobdagi farqni oshirish o'rniga darvozamidan to'p o'tkazib yubordik. O'yin oxirida baribir g'alabani o'z tomonimizga og'dirdik. Muhim g'alabaga erishdik.

Zaxira o'rindig'imiz qisqa va bu qiyinchiliklar keltirib chiqarmoqda. Tojiev o'ynamagani tufayli himoyada o'zgarishlar qilishimizga to'g'ri keldi. Barqaror o'ynay olmayapmiz. Bekobodda himoyadagi oddiy xatolar mag'lubiyatga sabab bo'lgandi. Bugun yaxshiroq o'ynashga intildik. Ularni tuzatish ustida ishlashimiz lozim.

Bizni stadionda juda yaxshi qo'llab-quvvatlagan muxlislarga rahmat aytaman.