Fevzi Davletov: "Durang bo'lishi mumkin edi, ammo mag'lubiyat emas"

"20-25 daqiqaga qadar o'yinni nazorat qildik. Ikkinchi golni urish kerak edi. Vaziyatlardan foydalana olmayotganimizdan so'ng himoyaga yotib olyapmiz, shu orqali raqib ko'proq bo'sh zonalarga ega bo'lmoqda. Birinchi bo'limning ikkinchi yarimda shunday xatolarga yo'l qo'ydik. Tanaffusda esa ko'rsatmalar berdim. Ikkinchi bo'lim startini muvaffaqiyatsiz o'tkazdik. Bugun mag'lubiyatga loyiq emas edik. Durang bo'lishi mumkin edi, ammo mag'lubiyat emas" - deya fikr bildirdi Fevzi Davletov uchrashuv yakunlangach.

- "Surxon" ikkinchi taymni ancha yomon o'tkazdi. Bunga sabab nima?

- Hisobda oldinga chiqib olganimizdan so'ng yigitlardan yuqoriroq o'ynash kerakligini aytgan edim. Qanotda oxirigacha kurashish kerak edi. Ikkinchi golda esa yaxshi ijro bo'ldi. Futbol shunday, 60 yoki 90 daqiqa yaxshi tempda o'ynaysan, ammo xatolar tufayli barchasi o'zgarib ketadi.

- Siz o'yin davomida kam ko'rsatmalar berasiz. Bunga sabab nima?

- Biz hafta davomida futbolchilarga ko'rsatmalar berib boramiz. O'yin vaqtida esa buning katta ahamiyati yo'q.

- Jahongir Abdusalomov so'nggi daqiqalarda o'yinga qo'shildi. Bunga sabab nima?

- U ko'p vaqt o'tkazib yubordi va optimal holatda emas. Imkon qadar tezroq optimal sport formasiga qaytib oladi degan umiddaman.

- Asilbek Jumaev realizaciya masalasida oqsamoqda. Ushbu fikrga qo'shilasizmi?

- U juda katta hajmdagi ishni bajaradi, ammo vaziyatlarda foydalanishi ham kerak. Vingerlar gol urishi kerak. "Andijon" vingerlari gol ura olishdi. Jumaev o'z vaziyatidan foydalanishi kerak edi.