Superliga. "Nasaf" tur markaziy bahsida OKMKni yutib, jadvaldagi etakchilikni tortib oldi

Superliga

11-tur

"Nasaf" – OKMK 2:1 

Qarshi. "Markaziy" stadioni. 20:00

Gol: Husayn Norchaev (Zafarmurod Abdiraxmatov) 16', Dragan Cheran (Zafarmurod Abdiraxmatov) 78' – Nodirbek Abdurazzoqov (Xurshid G'iyosov) 52'

Bosh hakam: Shavkat Nasibullaev

Yordamchi hakamlar: Avaz Abdullaev, Aleksandr Sidorov

Zaxira hakami: Zokir Sapoev

Nazoratchi: Timur Galeev

VAR: Doston Rahmonov

AVAR: Shohnur Yo'ldoshev

Komissar: Shohruh Said

"Nasaf": 35.Abduvohid Nematov, 6.Murodbek Rahmatov (24.Sardorbek Bahromov, 68), 7.Akmal Mozgovoy, 8.Zafarmurod Abdiraxmatov, 10.Dragan Cheran, 14.Sharof Muhitdinov, 18.Husayn Norchaev (99.Rubin Xebay, 68), 19.Stefan Cholovich (5.G'olib G'aybullaev, 46), 22.Igor Golban, 77.Oybek Bozorov (17.Suhrob Nurulloev, 85), 92.Umarbek Eshmurodov (28.Shuhrat Muhammadiev, 60).

Zaxira: 1.Oleksandr Vorobey, 9.Javohir Sidiqov, 33.Bahodir Xalilov, 73.Diyorbek Asomiddinov.

OKMK: 35.Javohir Ilyosov, 4.Mirjamol Qosimov (11.Ruben Sanches, 71), 5.Giorgi Papava (27.Ali Abdurahmonov, 82), 6.Avazbek O'lmasaliev, 7.Dilshodbek Ahmadaliev, 9.Kleydi Daci (8.Aziz Xolmurodov, 46), 10.Xurshid G'iyosov (28.Arixiro Sentoku, 86), 15.Oybek Rustamov, 19.Ahmadullo Muqumjonov, 20.Islom To'xtaxo'jaev, 77.Nodirbek Abdurazzoqov (99.Asadbek Sobirjonov, 71).

Zaxira: 1.Humoyunshoh Sayyotov, 2.Akromjon Komilov, 13.Eldorbek Begimov, 90.Abubakr Rizo Turdialiev.

MATNLI TRANSLYACIYA

UCHRASHUV YAKUNLANDI! 

90. Ikkinchi taymga 3 daqiqa qo'shildi. 

89. Uuux! Xolmurodovning bosh bilan bergan zarbasini Nematov qaytardi! 

86. OKMKda o'zgarish: G'iyosov o'rniga Sentoku uchrashuvni davom ettiradi. 

85. "Nasaf"da almashtirish: Bozorov o'rniga Nurulloev maydonga tushdi. 

82. OKMKda o'zgarish: Papava o'z o'rnini Abdurahmonovga bo'shatib berdi. 

81. Ux! Bahromov to'pga tashlanish chog'ida Ilyosov bilan to'qnashib ketdi. Darvozabon tibbiy yordamga zarurat yo'qligini bildirdi. 

78. GOL! Dragan Cheran darvozabon Ilyosov va himoyalanayotgan Papava tushunmovchiligi oqibatida vaziyatdan unumli foydalanib qoldi va bo'sh qolgan darvozaga to'p kiritdi – 2:1!

77. O'yin ancha shiddatli tus oldi, o'zi shunaqa bo'lishi o'yindan oldin ham kutilgandi. Jamoalar futbol ixlosmandlarini zeriktirayotgani yo'q.  

74. Zarbaaa! Bahromovning 16 metrlik chiziqdan yo'llagan zarbasi o'ta kuchli ko'rinish oldi, sal noaniq.  

73. Bozorovning pasidan so'ng Xebay go'yo unga pas beraman deya, To'xtaxo'jaevni chalg'itishga urindi, biroq tajribali himoyachi aldovga uchmadi. 

71. OKMKda 2 ta o'zgarish: Abdurazzoqov o'rniga Sobirjonov, Qosimov o'rniga Sanches bahsga qo'shildi. 

68. "Nasaf"da 2 ta almashtirish: Norchaev o'rniga Xebay, Rahmatov o'rniga Bahromov o'yinni davom ettiradi. 

66. Bozorov va O'lmasaliev jiddiy to'qnashib ketdi. Qarshiliklar xavbekiga tibbiy yordam zarur. 

63. Zarba! OKMKning uzoq davom etgan hujumi O'lmasalievning o'ng oyoqdagi kuchsiz zarbasi bilan yakunlandi. 

60. "Nasaf"da o'zgarish: Eshmurodov o'rniga Muhammadiev maydonga tushdi. 

60. Bosh hakam Nasibullaev Xayrulla Karimovni og'zaki ogohlantirdi. Murabbiy etirozlarni tindirmayapti. 

59. Bu gal Qosimov Boo'orovga nisbatan qo'pol o'ynadi. 

57. To'xtaxo'jaev maydon markazida Bozorovni yiqitishni lozim topdi. 

54. Cheran Qosimovga nisbatan qo'pol harakat qildi. Hakam hushtak chaldi. 

52. GOL! OKMK tezkor qarshi hujumni golga aylantirdi. Jarima maydonchasi ichiga yorib kirgan G'iyosovning pasidan keyin Nodirbek Abdurazzoqov bo'sh qolgan darvozaga yo'l topdi – 1:1!  

51. Zarbaaa! Bozorovning chap oyoqda yo'llagan zarbasini posbon bartaraf etdi. 

50. Islom To'xtaxo'jaev o'ng qanotda Lutfulla To'raevning fintini takrorladi, to'p maydon tashqarisiga yo'l oldi. 

47. Zarbaa! Bozorovning zarbasidan keyni to'p himoyachiga tegib maydonni tark etdi. 

46. Ikkinchi bo'lim boshlandi! 

46. "Nasaf"da o'zgarish: Cholovich o'rniga G'aybullaev tushirildi. 

46. OKMKda almashtirish: Daci o'rniga Xolmurodov maydonga tushdi. 

Birinchi bo'lim nihoyasiga etdi. Hozircha hisob – 1:0. Tanaffus! 

45+5. "Nasaf" bo'limning so'nggi soniyalarini hujumda o'tkazib qo'ymoqchi. Hozircha OKMK to'pni olib qo'yishning uddasidan chiqolmayapti.  

45. Birinchi bo'limga 5 daqiqa qo'shib berildi. 

44. Zarba! G'iyosovning bosh bilan bergan kuchsiz zarbasini Nematov qaytardi. 

42. Abdurazzoqovning burchak zarbasidan oshirib bergan to'pini himoyachilarga yordamga kelgan Cheran bartaraf qildi. 

41. Zarbaaa! Abdurazzoqovning xavfli va mo'ljalga aniq borayotgan zarbasini Nexmatov qaytarishga erishdi! Chiroyli zarba va zo'r seyv!  

39. Darvozabon Ilyosov to'pni o'yinga kiritayotganida Norchaev undan zarba qabul qilib oldi, hujumchiga tibbiy yordam ko'rsatildi. 

37. Mozgovoy va G'iyosov maydon markazida to'qnashdi, olmaliqliklar foydasiga standart belgilandi. 

34.  Zarbaaa! Sharof Muhitdinovning uzatmasidan so'ng Stefan Cholovich chamasi 14 metrdan chap oyoqda darvozani nishonga oldi, sal noaniq. 

30. Uuux! Bozorovning pasidan keyin Abdiraxmatov deyarli birga-bir holatga chiqib bordi, uning zarbasini Ilyosov bartaraf etdi. 

26. Oybek Bozorov qanotda Dilshod Ahmadalievni yiqitdi, OKMK jarima zarbasi ishlab oldi. 

23. Endi OKMK biroz faollashgan holda vaziyatni o'nglashga urinmoqda, Mirjalol Qosimov o'rnidan turib olgan va shogirdlaridan dadil bo'lishni talab qilyapti. 

20. Abdiraxmatovda ofsayd bor yoki yo'qligi tekshirildi va gol inobatga olindi.

18. Bosh hakam Shavkat Nasibullaev VAR bilan obdan suhbat qurmoqda. 

16. GOL! Abdiraxmatovning uzatmasidan keyin markazda yolg'iz qoldirilgan Husayn Norchaev bosh bilan darvozani ishg'ol qildi – 1:0! Ilk xavfli hujum va samarali yakun. 

13. Ahmadalievning havolatib amalga oshirgan uzatmasidan so'ng qarshiliklar to'pni uzoqlashtirishdi. 

11. Qosimov maydon markazida Mozgovoyga nisbatan qoidani buzdi. 

8. Zarba! O'lmasalievning erlatib bergan pasidan so'ng Qosimov ancha noaniq zarbaga mualliflik qildi. 

5. Uuux! Abdurazzoqov himoyachilarni chalg'itib, chap oyoqda pastki burchakni poyladi, Nematov mahoratini ko'rsatdi! 

3. Mezbon "Nasaf" to'p nazoratini qo'liga oldi, OKMK esa raqibni kutib olmoqda. 

1. Uchrashuv boshlandi!