Giggz intervyuda Van Gal va Fergyusonning farqini aytdi

"Ser Aleksda barchasi bo'lgan - boshqaruv, axil kiyinish xonasi, tartib, standartlar tepadigan insonlar, futbolchilarni tushunish... Uning qo'l ostida shunchaki maydonga tushardik va o'ynardik, chunki tarkibimiz ham yuqori sifatli futbolchilardan tashkil topgan va ular bir necha yillardan buyon birga faoliyat olib borayotgandi.

Lui bilan esa aksi. Har o'yinda taktikalar o'zgarardi. Ser Aleks davrida bir uslubni tanlab, uni sayqallashtirardik. Uning qo'l ostidagi birorta o'yinda 3 nafar markaziy himoyachi bilan maydonga tushganimizni eslay olmayman. Bo'lgandir bir-ikki marta, shunda ham katta o'yinlarda hisobni ushlab qolish uchun uchinchi centrbek maydonga tushgan.

Lui biz bilan o'yin va taktik tomonlama ko'p ishlardi. Har o'yinga xar xil tayyorgarlik rejasi tuzilardi, futbolchilar esa xaddan tashqari ko'p edi! Ser Aleks bilan barchasi oddiy davom etardi. Bu bilan ichki yig'ilishlar bo'lishini istisno qilmayapman, ammo nima bo'lganda ham tajribali futbolchilar doim murabbiyning fikrlarini tezda ilg'ab olardi. Masalan, Park Ji Sung markazda Pirloga to'p tushishiga imkon qoldirmaslik kerak bo'lsa buni ajoyib tarzda amalga oshirardi.

Tartib-qoida - eng asosiysi. Bu jihat Ser Aleks hamda Luini bog'lab turadi. Ularning ikkisi ham standartlarni amalga oshiradigan futbolchilarni tanlashda adashmagan", - dedi Giggz.