Futzal. SHuhrat Tojiboev: "Guruhda birinchi bo'lishimizni kutmagandim"

Bu bosqichda O'zbekiston terma jamoasi Livanga qarshi bahs olib boradi. O'yin Toshkent vaqti bilan 16:30 da boshlanadi. Ana shu uchrashuvdan oldin terma jamoamiz sardori SHuhrat Tojiboevdan intervyu oldik.

- Yaponiya bilan o'yin haqida taassurotlaringiz?
- Yaponiya amaldagi Osiyo chempioni, juda yaxshi shakllangan jamoa. O'yin ham shunga mos ravishda juda shiddatli o'tdi. Yigitlarda shijoat kuchli edi va shuning uchun ham so'nggi soniyalargacha kurashdik. SHuning uchun ham g'alaba biz tomonda bo'ldi.

- Osiyo chempionatidan oldin guruhda birinchi bo'lishimizni kutganmidingiz?
- To'g'risini aytsam, Yaponiya borligini inobatga olib guruhda birinchi o'rinni olishimizni kutmagandim.

- Vetnamdagi musobaqaning tashkiliy tomonlariga qay darajada baho berasiz? Futzalchilarga yaratib berilgan sharoitlardan kelib chiqib?
- Musobaqaning tashkiliy tomoniga yaxshi baho bergan bo'lardim. Yaratib berilgan sharoitlar ham joyida.

- Terma jamoaga taklif etilgan yosh o'yinchilar haqida fikringiz?
- Yoshlar Osiyo chempionatida terma jamoaga yaxshi kirishib ketishdi. Eng muhimi, o'yin paytida o'zlarini yo'qotib qo'yishmayapti va terma jamoaga foydasi tegmoqda.

- Vetnamda sizlardan qo'llab turgan muhlislar qanchalik kuch bag'ishlamoqda?
- Bu erga kelgan muhlislar bizga juda katta kuch bag'ishlamoqda. Muhlislarimizga boshchilik qilayotgan Abduraxmonga ham raxmat, har o'yinimizda bizga ana shunday muhlislik qilib turishsa, g'alaba faqat biz tomonda bo'ladi deb umid qilaman.