Husanovning agenti: "Biz bilan APLning 12 klubi aloqaga chiqdi"

Ushbu intervyu payti u Husanovga "Siti"dan boshqa yana qaysi jamoalar qiziqqani haqida gapirib o'tdi.

Husanov 20 yanvar kuni rasman "Manchester Siti" o'yinchisi sifatida elon qilingan edi.

- SHaxsan siz Abduqodirning "Siti"ga transferi haqiqatga yaqin ekanligini tushundingiz? Muzokaralar qanday o'tdi?

- Noyabr oyining oxirlarida "Siti" bizning futbolchiga jiddiy qiziqayotganini tushundik. Dekabrning boshida esa ingliz klubi ehtimoliy transfer borasida "Lans" bilan ham, biz bilan ham gaplashishni boshladi.

- Boshqa variantlar ham bormidi?

- O'sha paytda Husanov borasida APLning yarim jamoasi biz bilan aloqaga chiqdi. Qaysidir pallada men 12 ta ingliz klubi biz bilan aloqaga chiqqanini sanadim.

- "Siti"ning asosiy raqobatchisi kim edi?

- "Nyukasl". Ular bu poygadan oxirgi bo'lib chiqishdi. Bu juda yaxshi jamoa, qiziqarli loyiha. Bu jamoani yorqin kelajak kutmoqda. Menimcha, "Nyukasl" yaqin yillarda APLda Top-6 likka kirib oladi. Ammo moliyaviy feyr-pley va boshqa faktorlar tufayli "Nyukasl" aniq taklifni yubora olmadi. Barchasi cho'zilib ketdi.

Bu vaqtda "Siti" klubi "Lans"ga ham, bizga ham bosim o'tkazib javobimizni kutayotgan edi. Yakunda biz shu variantni tanladik, kelishuv amalga oshdi", - dedi Husanovning agenti.