Franciya - Gonduras 3:0. MATNLI TRANSLYACIYA

JCH-2014. “E” guruhi. 1-tur
FRANCIYA – GONDURAS 3:0
16 iyun. 00:00
Bosh hakam: Sandro Richchi (Braziliya)
Yordamchi hakamlar: Emerson De Karvalyu (Braziliya), Marselo Van Gasse (Braziliya)
Zaxira hakami: Piter O Liri (Yangi Zelandiya)

Gollar: Benzema, 44 penalti - 1:0, Valyadares, 48 avtogol - 2:0. Benzema, 72 - 3:0.

Franciya: 1.Ugo Loris, 2.Matyo Debyushi, 3.Patris Evra, 4.Rafael Varan, 5.Mamadu Saxo, 6.Yoan Kabay (12.Antonio Mavuba, 64), 8.Matyo Valbuena (9.Olive Jiru, 78), 10.Karim Benzema, 11.Antuan Grizmann, 14.Blez Matuidi, 19.Pol Pogba (18.Mussa Sissoko, 57).

Gonduras: 18.Noel Valyadares, 5.Viktor Bernardes (2.Osman CHaves, 46), 3.Meynor Figeroa, 7.Emilio Isagirre, 8.Uilson Palasios, 11.Jerri Bengston (Oskar Garsiya, 46), 13.Karlos Kostli, 15.Roxer Espinosa, 17.Endi Naxar (20.Xorxe Klaros, 58), 19.Luis Garrido, 21.Brayan Bekeles.

Ogohlantirishlar: Evra 7, Pogba 29, Palasios 29, Kabay 45, Garsiya 53, Garrido 84.
CHetlatish: Palasios 43



                                  MATNLI TRANSLYACIYA
                                            YANGILASH

90+3. Qaysi so'z ediya.. ha O'yin tugadi! Franciya yirik g'alabaga erishdi. Bizni kuzatib borgan barchaga rahmat aytamiz. Ertangi kun sizga omad keltirsin! 

90+2. Benzema-Evra-Matuidi kombinaciyasidan so'ng Matuidi noaniq zarba berdi

90. Bugungi o'yinga hakamlar 3 daqiqa qo'shishdi. Uch daqiqa uxlamay turinglar endi.

89. Evraning pasidan so'ng Grizmann boshi bilan darvozaga zarba berdi, noaniq.

88. Benzema faqat darvozaga tepavermay sheriklariga ham to'p oshirishi ko'rsatib qo'ydi, ammo sheriklari undan buni kutishmadi

84. Gondurasning kam sonli hujumlaridan biri, Kostli Varanni xato qilishga majbur qildi, ammo himoyachining o'zi xatosini to'g'riladi.

83. Sal qolishga sal qoldi. Benzema o'yindagi rasmiy uchinchi golini urishi mumkin edi, himoyachi unga xalal berdi.

82. Franciya futbolchilari nozik o'ynashga urinishmoqda, Gonduras esa antinafis futbol asoschilari ekan. Mana hozir Garrido sariq oldi

81. Jiru raqib himoyachisi bilan to'qnashib ketdi va yiqilib tushdi, bu balet emas futbol Olive!

77. Desham shogirdlaridan yana gol kutmoqda, ikkinchi hujumchi tushdi

76. O'zgarish. Franciya. Valbuena o'rniga Olive Jiru tushdi

75. Evra xuddi ikki uch haftaga safdan chiqqandek jarohat olgandi, biroq hozir maydonga qaytib yugurib yuribdi...

74. Ha Gonduras hech nima qila olmayapti, o'yinni tugatsa ham bo'ladi. Raqibni qiynamasdan...

72. Berilgan zarba Evraga tegib Benzemaga tushdi, Karim esa bunday masofadan adashmaydi - 3:0.

72. GOOOOOOOOOOOOOOOOOOOOOOOOOOOOOOL. Benzema!!! Mana endi rostan ham dubl!

71. Bechora Valbuena. Figeroa o'zidan ikki qarich past bo'lgan futbolchini ayamay yqitmoqda.

70. Hozirga qadar zarbalar borasida francuzlar katta ustunlikka egalar: 16:3.

67. Xavfli vaziyat! Garsiya raqib himoyachilari xatosidan so'ng darvozaga zarba berdi, Loris bunday to'pni qaytara olmasa darvozada nima qilib turibdi?

66. Grizmann hujumda qoida buzdi, Gonduras darvozaboni to'pni tepib berdi

64. O'zgarish. Franciya. Kabay o'rniga Antonio Mavuba tushdi

63.Matuidi Evraning pasidan so'ng darvozaga zarba berdi, to'p to'rning tashqi tomoniga tegib chiqib ketdi

62. Franciya keyingi o'yinlarga kuchini saqlagan holda o'ynashga urinmoqda, har holda bizga shunday tuyulmoqda

60. Evra chap qanotdan to'pni jarima maydoniga uzatdi, himoyachilarga tekkan to'pni darvozabon egallab oldi, Kabayning zarbasi osmonu falakka ketdi

59. Franciya erkin o'ynamoqda, uning muxlislari esa bayramni boshlab yubordi

58. O'zgarish. Gonduras. Endi Naxar o'rniga Xorxe Klaros

57. O'zgarish. Franciya. Pogba o'rniga Mussa Sissokko tushdi

56. Valbuena! Xavlfi vaziyat! Uning zarbasi darvoza ustuni yonidan o'tib ketdi

55. Benzemaning zarbasi darvozaga bormadi, bu safar darvozabon qaytardi to'pni

54. Franciya hujum ketidan hujum qilmoqda, 10 kishi bo'lib qolgan Gondurasga rahmi kelayotgan muxlislarimiz ham bor. "Essiz Gonduras" deyishmoqda ular

53. Ogohlantirish. Gonduras. Oskar Garsiya

48. Benzemaning zarbasi darvoza ustuniga tegib qaytayotganida darvozabon kutilmaganda uni o'z darvozasiga yo'llab qo'ydi - 2:0. Golni aniqlash texnologiyasi bugun o'z samarasini berdi, gol bor edi

47. GOOOOOOOOOOOOOOOOOOOOOOL, Benzema! 2:0

46. Ikkinchi bo'lim boshlandi

- Tanaffus vaqtida ikkita o'zgarish bo'ldi. Ikkisi ham  Gondurasda Viktor Bernardes o'rniga Osman CHaves, Jerri Bengston o'rniga Oskar Garsiya tushdi

Birinchi bo'lim statistikasi bilan tanishing:

To'pni egallab turish: 63:37
Zarbalar: 10:2
Aniq zarbalar: 5:1
Burchak to'pi: 3:0
Ofsayd: 0:2
Qoida buzish: 7:7
Sariq kartochka: 3:3
CHetlatish: 0:1

- Birinchi bo'lim tugadi. Hozircha 1:0

45+3. Valbuena! Belgilangan jarima to'pini darvozaga yo'lladi, darvozabon o'z o'rnida

45. Birinchi bo'limga 3 daqiqa qo'shildi

45. Kabay ogohlantirildi

44. Karim Benzema penaltini sovuqqonlik bilan aniq amalga oshirdi - 1:0.



44. GOOOOOOOOOOOOOOOOOOOOOOL, Benzema! 1:0

43. OPPPAAA! Penalti! Palasios Pogbani ortidan turtib yubordi, hakam ikkilanmay 11 metrli jarima to'pini belgiladi. Palasios ikkinchi sariq kartochkasini olib maydonni tark etmoqda.

39. POGBA! Ikki nafar futbolchini alday oldi va to'p Debyushiga bordi, uning zarbasi yo'liga himoyachilar to'g'anoq bo'lishdi.

38. Gondurasning hujumi, Naxar o'ng qanotdan tezlandi va to'pni sheriklariga oshirdi, ammo franciyalik himoyachilar ham anoyi emas, xavf qaytarildi

36. Benzema raqib jarima maydoni ichida yiqildi, hakam Karimga "tur o'rningdan" degandek o'qrayib qo'ydi

35. Grizmann to'pni Matuidi oshirdi, u to'pni darvoza yonida turgan Benzemga oshirdi, himoyachilar nima qilib turishibdi bu erda? To'p qaytarildi

34. Tomonlar qarama qarshi hujumlar bilan o'yinni davom ettirishmoqda. Dastlab Gonduras, keyin Franciya, keyin yana Gonduras. Biroq yakuniy zarba yo'q hozircha, albatta.

32. Luis Garrido o'ng qanotdan to'pni jarima maydoniga uzatishga urindi, to'p darvoza yuqorisidan maydonni tark etdi. Menimcha futbolchining o'zi to'p uzatishidan uyalib ketdiyov

29. Franciyaning hujumi, chap qanotdan tashkil etildi, Bekeles boshchiligidagi himoyachilar to'pni raqibdan olib qo'yishdi

27. Barchasi Pogba va Palasios o'rtasida chiqqan to'qnashuv oqibatida kelib chiqdi, Uilson uning oyog'ini bosib oldi, Pol esa raqibni bir tepdi. Tomonlar orani ochiq qilib olishdi va hakam ikkala jo'jaxo'rozga ogohlantirish berdi

26. Talpaaaa! Ur yiqit! Janjall! Franciya va Gonduras o'rtasidagi jangning birinchi raundi...



24. Ko'klar tezkor qarshi hujum tashkil etishdi, chap qanodan Grizmann to'pni oldinga oshirdi. Valbuena to'pga etib olib jarima maydoni ichidagi Benzemaga oshirdi, Karimning zarbasi noaniq ketdi!

21. Tangggggg! Bu darvoza to'sinidan chiqqan tovush edi. Grizman Evraning pasidan so'ng boshi bilan darvozaga zarba berdi, to'p to'singa tegib qaytdi!

20. Grizmannda yana bir imkoniyat bo'ldi, uning zarbasidan so'ng to'p himoyachiga tegib qaytdi

19. Franciya ustunlikni o'z qo'liga (oyog'iga) oldi, to'p asosan evropaliklarda

16. Bernardes maydonda yotibdi, u Benzema bilan to'qnashib ketgandi. Unga shifokorlar yordam berishdi, o'yin davom etadi

15. UXXXX! Jarima maydoni ichida Matuidi darvozaga zarba berdi, to'p darvoza to'siniga tegib maydonni tark etdi

14. Isagirre mundialning eng bo'yi kichik futbolchilaridan biri bo'lgan Valbuenani yiqitdi, Matyo yana bir bor jarima to'pini tepadi

12. Franciyaning o'ng qanoti ancha faol o'ynamoqda, Debyushi va Valbuena bu erda ko'p bor oldinga o'tishmoqda

11. Figeroa jarima maydoni yaqinida to'pni qo'li bilan o'ynadi, Valbuena navbatdagi bor jarima to'pini tepdi. Valyadares to'pni qiyinchilik bilan bo'lsa ham qaytarib yubordi



10. Valbuena jarima to'pini amalga oshirdi, uning pasidan so'ng Benzema jarima maydoni chizig'i ustidan boshi! bilan darvozaga zarba berdi. Noaniq.

9. Debyushi o'ng qanotdan oldinga o'tib to'pni jarima maydoniga oshirdi Valyadares xuddi mashg'ulotdagidek to'pni egallab oldi

7. Evra hujumda raqib bilan to'qnashib ketdi, bu vaziyatda hakam aynan franciyalik futbolchini ogohlantirdi

6. Grizmann jarima maydoni ichida to'pni egallab zarba berdi, himoyachilarga tekkan to'p noaniq ketdi. Keyingi hujumda Valbuena jarima maydoniga to'pni oshirdi, darvozabon to'pni qaytardi.

5. Gondurasni mensimaganlar adashishgan ko'rinadi. Har holda uchrashuv boshida tashabbus aynan shu jamoada

4. Bengston hujumga o'tdi, biroq o'yindan tashqari holatda qolib ketibdi.

3. Qizig'i o'yindan oldin ikkala davlat madhiyalari kuylanmadi...

2. Gondurasliklar Pogbaning xatosidan so'ng hujumga o'tishdi, biroq Kostliga tezlik etishmadi

1. O'yin boshlandi! Qaysi so'z ediya.. ha Qani kettik!

- Francuzlar ko'k rangli, gondurasliklar esa oq formalarda bugun maydonda harakat qilishadi.

- Braziliyalik Sandro Richchi boshchiligidagi hakamlar ikkala jamoani maydonga boshlab tushishdi.

- Bugun Franciya va Gonduras o'rtasidagi o'yinning matnli translyaciyasini Narzulla Saydullaev taqdim etadi.

- Braziliyadagi mundial davom etmoqda, saytimiz ijodkorlari o'quvchilarga o'yinlarning matnli translyaciyalarini etkazishda davom etishadi.

- Assalomu alaykum qadrli futbol muxlislari!