Elmira Gulamova: Futbolchilarimiz jiddiy nazoratda
17 apr 2020 15:17
Yangiliklar
![](https://championat.asia/upload/storage/560140_original.jpg)
![](/upload/storage/560140_220.jpg)
Elmira Gulamova: Futbolchilarimiz jiddiy nazoratda
Elmira Gulamova shogirdlari ham karantin vaqtida yangi mavsumga tayyorgarlikni o'z uylarida davom ettirmoqda.
- Barcha futbolchilarga uy sharoitida shug'ullanishlari uchun maxsus mashqlarni vazifa qilib berganmiz. Yana ham aniqrog'i, mashqlar individual tarzda yuklatilgan. O'yinchilar jiddiy nazoratda bo'lib turishibdi. Qizlar har kuni o'tkazgan mashg'ulotlarini videolavhasini menga jo'natmoqda. Mashg'ulotlarni ko'rib, munosabatimni bildiryapman. Hovlida istiqomat qiladigan shogirdlarim o'zlariga yuklatilgan vazifani hovlida, ko'p qavatli xonadonlarda yashaydiganlar imkon qadar tashqariga chiqib, umumiy hovlida bajarishmoqda. Imkoniyati yo'qlar esa, xonadonning o'zida shug'ullanishmoqda. Asosiysi, hech kim nazoratdan chetda qolayotgani yo'q. Barcha birdek shug'ullanib, formani ushlab turishini qatiy nazoratga olganmiz.
Karantin qachon tugashini bilmaymiz. Tabiiyki, karantin qancha uzoq davom etsa, yangi mavsumning taqvimi yanada zichlashadi. Garchi o'yinlar oralig'i tig'izlashsada, musobaqa formati avvalgidek qolishi tarafdorimiz. Hech narsani o'zgartirmasdan, ishtirokchilarni uy-safar tizimida o'ynash formatini qoldirish kerak. Mayli, turlar orasidagi kunlar qisqa bo'lsin, lekin format o'z joyida qolsin! Hozir barcha bir oydan buyon uyda o'tirgani uchun o'zida bosimni his qilmoqda. SHu bosimni aynan ketma-ket o'tkaziladigan o'yinlar orqali chiqarib tashlanadi. Turlar orasidagi kunlar 4-5 kun bo'lishining ziyoni yo'q. CHempionatni noyabr oyida ham tugatsak bo'ladi, - deydi Elmira Gulamova.
O’xshash yangiliklar
![AMP Logo](https://championat.asia/image/logo-amp.png)
Fikrlar