Bundesliga. Qiziqarli o'yinlarga boy tur prevyusi
23 may 2020 12:50
Yangiliklar
Bundesliga. Qiziqarli o'yinlarga boy tur prevyusi
Kuchli beshlik chempionatlaridan biri, yani Bundesliganing tiklanishi har bir futbol muxlisini shod etgani aniq.
27-turda juda ko'p muhim va hayojonli o'yinlar bo'lib o'tishi kutilmoqda. SHu o'yinlar uchun tayyorlangan prevyuni etiboringizga havola etamiz.
Onlayn turnir jadvali
Timo Verner to'purarlik poygasida g'olib bo'lishni istasa, gollar urishda davom etishi lozim
Ushbu mavsumda Bundesliga to'purarligi poygasi chempionat bezaklaridan biriga aylanishi mumkin yoki buni allaqachon etirof etsak bo'laveradi.
O'tgan turda Timo Verner yana gol urmadi – u hatto "Frayburg"ga qarshi yaxshi o'yin namoyish qila olmadi. Robert Levandovski Berlinda porlamagan bo'lsa-da, 11 metrlik nuqtadan raqib darvozasini ishg'ol eta oldi. Endilikda polyak boshqa jamoa to'purarlariga jiddiy taklifni o'rtaga tashlagandek beshta gol oldinga o'tib ketdi.
Verner ishtirokidagi bahslarni tahlil qiladigan bo'lsak, u yangi yildan buyon juda yorqin o'yin ko'rsatayotgani yo'q. Faqat fevral oyida "SHalke" darvozabonini ranjita olgandi. Keyinchalik xavfli vaziyatlarni golga aylantira olmaslik o'yinchining barcha ijobiy holatlariga to'sqinlik qila boshladi, ko'pchilik uning iqtidoriga shubha bilan qaray boshladi. Balki, "Liverpul"ga o'tish haqidagi mish-mishlar hujumchiga tasir qilgandir, yana kim biladi deysiz.
Tur o'yinlari haqida
Habaringiz bor, tur o'yinlari "Berlin derbisi" bilan boshlangandi.
Freiburg 1. Bundesliga . 27-tur 23/05/2020, 18:30
Werder Bremen Leonardo Bittencourt - 19' Stadion: Schwarzwald-Stadion, 0 tomoshabin Bosh hakam: Robert Hartmann
Bugun turnirning eng yomon jamoalaridan biri bo'lib qolgan "Verder" o'rtamiyona sanaladigan jamoa "Frayburg" maydonida mehmon bo'ladi.
"Frayburg" standartlardan oqilona foydalana oladi, ular oxirgi 15 golidan naqd 13 tasini aynan standartlar orqali urgan. Eng qizig'i shundaki, Bremenning "Verder" klubi 18 ta golni standartlardan o'tkazib yuborgan.
Malumotlarga qaraganda "Verder" o'tkazib yuborgan 14 ta gol bosh bilan kiritilgan.
Birinchi davra o'yinida jamoalar durangga imzo chekishgan – 2:2. O'sha bahsda bremenliklar azosi Miolt Rashica gol va golli uzatmasi bilan ajralib turgandi.
Jamoalar shu paytgacha o'zaro 39 ta o'yin o'tkazgan. Ulardan 22 tasida “Verder” g'alabani tantana qilgan bo'lsa, 9 tasida “Frayburg”ning qo'li baland kelgan. 8 ta o'yinda murosa yo'li tanlangan.
Paderborn Dennis Srbeny - 9' |
1. Bundesliga . 27-tur 23/05/2020, 18:30 1
:
1
Tugadi
|
Hoffenheim Robert Skov - 4' |
Stadion: Benteler-Arena, 0 tomoshabin
Bosh hakam: Bibiana Steinhaus
Tur dosrasidagi keyingi bahsda "Padeborn" "Benteler Arena"da "Xoffenxaym"ni mehmon qiladi. Oldingi o'zaro uchrashuv 3:0 hisobida "Xoffenxaym" foydasiga yakunlangan. Ushbu g'alaba "Xoffenxaym" bosh murabbiyi Alfred Sxryoder uchun eng yirik muvaffaqiyat sifatida qayd qilingandi. "Xoffenxaym" ayni paytda ketma-ket 6 uchrashuvdan buyon g'alaba nimaligini bilmayapti (2 mag'lubiyat, 4 durang), bu jamoaning niderlandiyalik boshchiligidagi eng yomon natijasidir.
"Padeborn" shu paytgacha to'qnash kelgan Bundesliganing 20 jamoasidan 19 tasiga gol ura olgan. Oldinda faqat "Xoffenxaym" darvozasini aniq poylash qolgan, xolos.
Klublar bor-yo'g'i 3 marta o'zaro to'qnash kelishgan. SHulardan 2 tasida "Xoffenxaym" raqibini yutgan bo'lsa, 1 ta uchrashuvda durang o'ynashgan. Va nihoyat bugun "Padeborn"ning g'alaba qilish navbati kelmadimikin?
Schalke 04 |
1. Bundesliga . 27-tur 24/05/2020, 16:30 3
:
0
Tugadi
|
Augsburg Eduard Loewen - 6', Noah-Joel Sarenren-Bazee - 76', Sergio Cordova - 90' |
Stadion: VELTINS-Arena, 0 tomoshabin
Bosh hakam: Sascha Stegemann
Ikkinchi davraning eng omadsiz jamoalari to'qnashuvi – "SHalke" - "Augsburg".
Liga jamoalari orasida eng ko'p g'alabasiz seriya (8 ta o'yin) "SHalke"ga tegishli. "Augsburg"da bu ko'rsatkich 6 tani tashkil qiladi.
2020 yilda "SHalke" atigi to'rtta gol urdi - bu ligadagi eng yomon ko'rsatkich.
"Augsburg" so'nggi beshta uchrashuvda mag'lubiyatga uchradi, hatto to'rttasida gol ham ura olmadi.
6 ta gol bilan "Augsburg"ning eng yaxshi to'purari bo'lib turgan Florian Niderlexner olti o'yindan beri gol nimaligini bilmay kelmoqda. Darhaqiqat, aynan u "SHalke"ni 4 bor ranjita olgan.
Jamoalar barcha turnirlarda 17 marta o'zaro duch kelganlar. SHulardan 9 tasida "SHalke" g'olib chiqqan bo'lsa, bor-yo'g'i 1 tasida "Augsburg" g'alaba qozongan, 7 ta o'yinda durang qayd etilgan.
Mainz 05 |
1. Bundesliga . 27-tur 24/05/2020, 18:30 5
:
0
Tugadi
|
RB Leipzig Timo Werner - 11', Yussuf Poulsen - 23', Marcel Sabitzer - 36', Timo Werner - 48', Timo Werner - 75' |
Stadion: Opel Arena, 0 tomoshabin
Bosh hakam: Markus Schmidt
Navbatdagi bahsda "Maync" o'z maydonida "Leypcig"ni qabul qiladi. Bu mavsum ular o'rtasida kechgan birinchi davra uchrashuvini hech kim unutmagan bo'lsa kerak. Albatta-da, chunki kim ham 8-0 hisobini unutardi.
"Maync" chempionatdagi so'nggi uch o'yinda mag'lubiyatga uchramadi (1 g'alaba, 2 durang).
Ayni paytda "Leypcig" o'tgan mavsumdagi kabi raqib darvozasiga 63 bor to'p kiritgan. Ular yana to'rtta gol urishsa, klubning 2016/17 yilgi mavsumdagi 66 ta golli rekordini yangilashlari mumkin. Bunga eng katta hissa qo'shgan futbolchi - shubhasiz, Timo Verner. Uning hisobida hozirda 21 ta gol mavjud.
2013 yili, klub hali uchinchi diviziondaligida "Leypcig"ga kelgan Poulsen, shu haftada jamoa uchun 250-uchrashuvda qatnashishi mumkin.
Statistikaga nazar solsak, klublarning o'zaro 7 o'yinidan 4 tasida “Leypcig” g'olib bo'lgan bo'lsa, 1 tasida “Maync” yutgan, 2 ta o'yinda durang qayd etilgan.
FC Koeln Anthony Modeste - 88', Jhon Cordoba - 90' |
1. Bundesliga . 27-tur 24/05/2020, 21:00 2
:
2
Tugadi
|
Fortuna Duesseldorf Kenan Karaman - 41', Erik Thommy - 61' |
Stadion: RheinEnergieSTADION, 0 tomoshabin
Bosh hakam: Benjamin Cortus
Keyingi o'yinda "Kyoln" va "Fortuna" o'zaro bellashadi. Ikkita o'yinni tomoshabinlarsiz o'tkazishga ulgurgan "Kyoln" ularning har ikkisida ham g'alabani saqlab qola olmadi. "Borussiya M"dan 1-2 hisobida mag'lubiyatga uchragan bo'lsa, o'tgan haftada "Maync" bilan durang o'ynadi - 2:2.
Ushbu mavsumda "Kyoln"ning eng yaxshi to'purari Kordoba hisobida 10 ta gol bor va ulardan atigi ikkitasini ("Gerta"ga) safarda urgan.
"Fortuna" to'purari Xennings (11 ta gol) oxirgi 9 o'yinda gol urmagan. Birinchi davradagi "Fortuna" 2:0 hisobida yutgan o'yinda u gol urgandi.
"Kyoln" va "Fortuna" mavsum davomida olingan kartochkalar bo'yicha birinchi va ikkinchi o'rinlarni egallab turibdi - 66 va 65.
Jamoalar shu paytgacha 7 marta ro'baro' kelgan: 4 g'alaba "Kyoln"da, 1 g'alaba "Fortuna"da, duranglar soni - 2 ta.
* Qolgan o'yinlar uchun alohida prevyu qilish rejalashtirilgan.
Bundesliga, 27-tur o'yinlari jadvali:
22 may, juma.
"Gerta" — "Union" 4:0
23 may, shanba.
"Frayburg" — "Verder" (18:30)
"Padeborn" — "Xoffenxaym" (18:30)
"Borussiya M" — "Bayer" (18:30)
"Volfsburg" — "Borussiya D" (18:30)
"Bavariya" — "Ayntraxt" (21:30)
24 may, yakshanba.
"SHalke" — "Augsburg" (16:30)
"Maync" — "Leypcig" (18:30)
"Kyoln" — "Fortuna" (21:00)
SHerzod Nurmatov tayyorladi.
Fikrlar