Bu yil Liga kubogi o'tkaziladimi?
23 fev 2021 13:11
Yangiliklar
![](https://championat.asia/upload/storage/621785_original.jpg)
![](/upload/storage/621785_220.jpg)
Bu yil Liga kubogi o'tkaziladimi?
Rejaga ko'ra mazkur musobaqada qo'shni mamlakat jamoalari ham ishtirok etishi ko'zda tutilgandi. Biroq, yuzaga kelgan pandemik vaziyat, tig'iz taqvim tufayli turnir bo'lmadi. Biz ushbu masalaga yana qaytdik va O'zPFL vakiliga yuzlandik. Liga kubogi o'tkazish tashkilotning rejasidan o'rin olganmi?
"O'zbekiston Liga kubogi musobaqasi o'tkazish rejalarimizdan o'rin olgan, albatta. Aslida, bu turnir nafaqat O'zbekiston, balki Tojikiston, Turkmaniston va Qirg'iziston jamoalari ham ishtirok etadigan qiziqarli formatda o'tishi ko'zda tutilgan edi. Biroq o'tgan yili pandemiya tufayli rejalarimiz o'zgarib ketdi. Lekin vaziyat o'z iziga tushgach, albatta o'sha rejalarimizni amalga oshiramiz. Liga kubogining bu yil o'tish yoki o'tmasligi epidemiologik sharoit hamda u keltirib chiqarishi mumkin bo'lgan muammolar o'rganilganidan keyingina alohida hal etiladi. Agar barchasi o'z iziga tushsa, yilning ikkinchi yarmida mazkur musobaqani o'tkazishimiz mumkin",- deydi O'zPFL vakili Zohir Akramxonov
Malumot o'rnida takidlash joiz, Liga kubogi hozirga qadar bir marotaba 2019 yil o'tkazilgan va unda "Paxtakor" finalda AGMKni yirik 6:2 hisobida mag'lub etgan holda bosh sovringa ega chiqqandi.
O’xshash yangiliklar
![AMP Logo](https://championat.asia/image/logo-amp.png)
Fikrlar