Birinchi liga. "Qo'qon-1912" irodali tarzda "Oq-tepa"ni mag'lub etdi

Uning onlayn matnli translaciyasini shu erda kuzatib borish mumkin bo'ldi.

18:00. “Qo'qon-1912” – “Oq-tepa” 2:1 (0:0).

29 iyun. Qo'qon. “Markaziy” stadioni. 
Bosh hakam: Murod Muhamedov (Bekobod).

Yon chiziq hakamlar: Mo'minjon Majidov, Rasuljon Fozilov (Namangan).

Zaxira hakami: Nodir Toshmatov (Qo'qon). 
Nazoratchi: Elbek Musaev (Samarqand).

Gollar: Temur Turdiev, 51 (avtogol). Otabek Haydarov, 83 - Nikita Pavlenko, 46.

“Qo'qon-1912”: 12.Aziz Ashurov, 3.Avazxon Mamatxo'jaev, 5.Xurshid Uzoqboev (S), 6.Bahodir Akramov (4.Rahmatullo Meliboev, 76), 8.Nodirbek Qo'ziboev (17.Aziz To'xtaboev, 55), 10.Otabek Haydarov, 11.Umidjon Qodirov, 15.Maruf Zokirjonov (26.Davron Mamatov, 90+2), 18.Aleksandr Kritinin, 22.Rustam Ashurmatov, 25.Jalil Kimsanov (77.Rustam Abduhamidov, 52).

Zaxira: 16.Andrey Baklanov, 2.Aziz Madaliev, 14.Muhammadanas Hasanov .

“Oq-tepa”: 42.Asilbek Omonov, 2.Nikita Sviridov ( 6.Zafar Qoraqulov, 81), 4.Temur Turdiev (S), 7.Alisher SHog'ulomov, 8.Nikita Pavlenko, 9. Xurshid Nabijonovich Yuldashev, 11.Umid Zayniddinov, 13.Ildar Magdeev (10.Xurshid Xurramovich Yuldashev, 82), 14.Maruf Ahmadjonov, 15.Nodir Teshaboev, 19.Sergey Proxorov.

Zaxira: 31.Artur Parvanov, 3.Doniyor Usmonov, 12.Muhmmadbobur Muhammadiev, 17.Farhod Mirahmatov, 18.Zokir Mirzaahmedov.

* Diqqat qiling! Qo'qon shahar "Markaziy" stadiondan yozamiz! Bugun birinchi liganing "sharq" mintaqasidagi ikki etakchi jamoalar o'rtasidagi o'yin bo'ladi.  

* Garchi bugun kechki soat 21:00da  JCH doirasidan o'rin olgan Gollandiya - Meksika o'yini bo'lsa-da, shunga qaramay Qo'qonga kelib, birinchi liga o'yinini ko'rishni lozim topdik. O'zimizning futbolga nima etsin!  

* Birinchi liganing markaziy o'yinini Sizlarga Qo'qondan kamina Islombek Rustambekov onlayn tarzda matnli translyaciya qilib boradi! 

* Qo'qonda havo juda ham issiq. SHuning uchun ham muxlislar jaziramada futbol tomosha qilishdan ko'ra, kechroq jahon chempionati o'yinlarini ko'rishni afzal bilgan bo'lsa ajab emas.  

* Har ikkala jamoa azolari o'yin oldidan chigalyozdi mashqlarini bajarish uchun maydonga chiqib kelishmoqda. 

* Jamoalar tarkibi malum! Marhamat tanishib oling.

* Yana bir necha soniyalardan so'ng, o'yinga start beriladi.

* Bosh hakam Murod Muhamedov uchrashuv boshlanganligi haqidagi xushtagini chaldi va shu tariqa o'yin boshlandi!

* Maydon egalari o'yinni hujumkor ruhda boshladi. Jamoalar hozircha yopiq o'yin ko'rsatgan xolda, bir-birini o'rganmoqda.

* Bugun "Oq-tepa" yangi bosh murabbiy Furqat Esonboev boshchiligida maydonga tushgan. Ko'ramiz yangi murabbiyning debyuti qanday chiqar ekan. 

3* Otabek Haydarov to'p uchun kurashda Temur Turdievni yutib chiqdi va jarima maydoni sari yurish qildi. To'purar hujumchi o'zidan ham qulayroq vaziyatda turgan jamoadoshi Mamatxo'jaevni to'p bilan taminladi. Avazxon sal bo'lmasa uchrashuvda hisobni ochishi mumkin edi. 

5* Nodir Qo'ziboevning chamasi 35 metrlardan amalga oshirgan jarima zarbasi to'sin ustidan o'tib ketdi.

6* "Oq-tepa" posboni Asilbek Omonov hali 10 daqiqa ham o'tmay o'yinni cho'zmoqda. Aftidan bunday issiqda futbolchi charchagan chog'i.

9* Futbolchilar imkon qadar maydonning salqinroq joyiga o'tib harakat qilmoqda. 

10* Uxxx! Otabek Haydarovda hisobni ochish uchun juda qulay imkoniyat yuzaga kelgandi. Uning bergan zarbasi darvoza to'sinining salgina yuqorisidan o'tib ketdi.

13* CHap qanotdan belgilangan jarima zarbasini Maruf Zokirjonov amalga oshirdi. Uning jarima maydoni ichiga uzatgan to'pini Akramov bosh bilan darvozaga yo'lladi. Mehmonlar golkiperi Asilbek Omonov o'z o'rnida.  

15* Endi chap qanotdan Jalil Kimsanov to'p oshirdi. Yana Otabek Haydarov. Bu safar ham zarbaga biroz aniqlik etishmadi. Lekin xavfli ko'rinish oldi!

21* Endi "Oq-tepa" hujumga o'tdi. Magdeevning bergan zarbasi Kimsanovning oyog'iga tegib qaytdi. Qaytgan to'pni SHog'ulomov kuchli zarb bilan darvoza yo'lladi. Biroq to'pni mezbonlar maydon tashqarisiga chiqarib yubordi.

29* CHap qanotda bugun faollik ko'rsatayotgan Maruf Zokirjonov jarima maydoni ichida kuchli zarba yo'lladi. To'p ustun yonginasidan o'tib ketdi.

32* O'ng qanotda hujum uyushtirayotgan Ildar Magdeevga nisbatan Jalil Kimsanov qo'pollik ishlatdi. "Qo'qon-1912" futbolchisiga bosh hakam sariq kartochka berdi.

* Aytib o'tish o'rinliki, ushbu jamoalarning birinchi davradagi bahsida "Oq-tepa" 2:1 hisobida g'alaba qozongandi.

36* Maruf Ahmadjonov chap tomondan 2-3 raqibini aldab o'tib bergan zarbasi, to'sinning salgina yuqorisidan o'tib ketdi.

38* Sergey Proxorov sal bo'lmasa o'z darvozasiga to'p kiritib yuborishiga bir bahya qoldi. O'ng qanotdan uzatilgan to'p uchun kurashda "Oq-tepa" himoyachisi xavfli o'ynadi.

41* Umidjon Qodirov qiyin vaziyatda bo'lishiga qaramay darvoza sari bir amallab zarba yo'lladi. Biroz kuchsiz chiqqan zarbani Omonov qiyinchiliksiz ushlab oldi.

42* Alisher SHog'ulomovga ishlatilgan qo'pollik uchun Xurshid Uzoqboev sariq kartochka bilan "siylandi".

* Uzoqboev va Kritinin boshchiligidagi "Qo'qon-1912" himoyasini yorib o'tish mehmonlarga qiyinchilik tug'dirmoqda. 

45* Bosh hakam birinchi bo'lim to'xtalishlari uchun 3 daqiqa vaqt qo'shib berdi.

*Aftidan jamoalar tanaffusga 0:0 hisobida yo'l oladigan ko'rinadi.

* So'nggi daqiqalar o'tib borayotganida maydon egalari ketma-ket burchak to'pini amalga oshirmoqda.

45+3* Nodir Teshaboevga sariq kartochka ko'rsatildi.

* Birinchi bo'lim yakunlandi. Jamoalar tanaffusga yo'l oldi.

* Ikkinchi bo'lim boshlandi. 

46*  GOOOLL. Nikita Pavlenko uchrashuvda hisobni ochishga erishdi!

* Ikkinch bo'lim mehmonlar uchun omadli boshlandi. 

50* Temur Turdiev hakam tomonidan sariq kartochka bilan ogohlantirildi. 

51* GOOOLL. Hozirgina Turdiev o'yin qoidasini buzgandi. Jarima to'pini Zokirjonov amalga oshirdi va to'pni kutilmaganda Temur Turdiev o'z darvozasiga kiritib yubordi. 1:1! 

Maydon egalari tashabbusni o'z qo'llariga olishga intilmoqda. 

55* Nodir Qo'ziboev o'rniga Aziz To'xtaboev maydonga tushdi.  

57* Sergey Proxorov o'z jarima maydoni ichida to'p uchun kurashda raqibi bilan to'qnashib ketib jarohat oldi.

60* Bu vaqtga kelib stadion larzaga keldi. O'ng qanotdan uzatilgan to'pni "Oq-tepa" vakili Nodir Teshaboev o'z darvozasiga kiritib yuborishga sal qoldi. 

64*  Otabek Haydarov jarima maydoni tashqarisida to'pga zarba bermasdan uni Umid Qodirovga qoldirdi. Ushbu futbolchi ham to'pga o'zi zarba bermadi va sal orqaroqda turgan sherigi Akramovni to'p bilan taminladi. Bahodirning chap oyoqda bergan zarbasini Omonov o'z o'rnida ushlab oldi. 

67* "Qo'qon-1912" g'alaba qozonish yo'lida hujum qilishni oshirmoqda. "Oq-tepa" esa asosan qarshi hujum taktikasiga o'tib o'ynamoqda. 

76* Bahodir Akramov o'rniga Rahmatullo Meliboev tushdi. 

Quyosh tarqab, salqin xavo bo'lib qoldi. Lekin futbolchilar birinchi taymdagi issiq havoda o'ynab, toliqib qolgandek tuyulmoqda.

77* Meliboevning jarimadan bergan kuchli zarbasini Omonov bir amallab qaytarishga erishdi. 

80* "Oq-tepa" tarkibida Alisher SHog'ulomov etakchilikni o'z qo'liga olgan. Uning bir o'zi raqib himoyachilariga tashvish tug'dirmoqda.

81* Nikita Sviridov o'rniga Zafar Qoraqulov maydonga tushdi. 

82* Aziz To'xtaboev raqiblari qurvoshida bo'lishiga qaramay darvozabon bilan birga-birga vaziyatga chiqib borayotganida Asilbek Omonov to'pga katta tezlikda chiqib keldi va xavfni bartaraf etdi.

83* GOOOLLLL. Otabek Haydarov! Jamoadoshidan uzatilgan to'pni hujumchi gol bilan yakunlab stadionga tashrif buyurgan muxlislarga quvon ulashdi.

* Eslatib o'tamiz ushbu gol Otabek Haydarovning mavsumdagi 17-golidir!

84* Temur Turdiev o'rniga Doniyor Usmonov maydonga tushdi.   

87* Sergey Proxorov Otabek Haydarovni qo'pollik bilan to'xtatib qoldi va buning uchun bosh hakamdan sariq kartochka bilan jazolandi.

* Haydarovga shifokorlar tibbiy yordam ko'rsatmoqda. 

90* Bosh hakam ikkinchi bo'limga 3 daqiqat vaqt qo'shib berdi.

90* Nikita Pavlenko o'ng qanotdan oldinga intildi. To'pni Kritinin maydon tashqarisiga chiqarib yuborib, xavfni bartaraf etdi.  

Bu paytga kelib, Maruf Zokirjonovning oyog'i tortishib qoldi va unga yordam ko'rsatildi. 

90+1* Zokirjonov o'rniga Davron Mamatov tushirildi.

90+2* Qo'qonliklar navbatdagi g'alabasini tantana qilishga juda yaqin turibdi.

90+3*  Umidjon Qodirov chap qanotdan ikki raqibini ustalik bilan aldab o'tdi va to'pni Davron Mamatovga oshirdi. Hozirgina zaxiradan maydonga tushgan futbolchining bergan zarbasi kuchsiz chiqdi. 

Uchrashuv yakunlandi. Etiboringiz uchun rahmat!