"Bavariya" - "Borussiya" D. Prevyu Yangiliklar

"Bavariya" - "Borussiya" D. Prevyu

Bir necha soatdan so'ng Bundesliganing eng mashhur klublari 122 marotaba o'zaro to'qnash keladi.

Muxlislar ushbu o'yinni "Real" - "Barselona" uchrashuvi kabi intiqlik bilan kutishadi. "Bavariya" - "Borussiya" D uchrashuvi uchun atalgan prevyuni etiboringizga havola qilamiz.


Turnir jadvalidagi holat

"Bavariya" joriy mavsum o'tkazgan 10ta uchrashuvining 50%da g'alabaga erishdi. Jamoa 3 marta durang qayd etib, 2ta bahsda mag'lub bo'ldi - uyda va mehmonda. Ayniqsa Frankfurtdagi omadsizlik juda og'riqli bo'ldi. Myunxenliklar endi to'rtinchi o'rinda va etakchidan to'rt ochko orqada.


Dortmund ham o'z o'yinlarining yarmida zafar quchdi. Biroq mag'lubiyat faqat bir marta sodir bo'ldi. "Arilar" jadvalda uchinchi va etakchidan 3 ball kam to'plagan.


Muhim malumotlar

"Bavariya"da bosh murabbiy yo'q

Nemis grandi ayni damda juda noqulay vaziyatda. Myunxen klubi "Der Klassiker"dan oldin bosh murabbiy Niko Kovach bilan xayrlashdi.


Yakshanba tongida mashg'ulot o'tkazib, futbolchilar bilan xayrlashmagan kouch, kechga yaqin o'z xohishiga ko'ra klubni tark etdi. Myunxenliklar rahbarlari arizani muammosiz qabul qilishdi, chunki Kovach bilan hamkorlikni davom ettirishdan mani yo'q edi.


Niko Kovach ketganidan keyingi dastlabki bahsda - "Olimpiakos"ga qarshi o'yinda jamoadagi atmosfera juda yaxshiligi sezildi. Malum bo'lishicha, futbolchilar doim Kovachdan qutilganidan mamnun.


"Borussiya" so'nggi haftada yaxshi formada

Dortmunddagi vaziyat "Bavariya"nikiga o'xshash. "Arilar" ustozi ehtiyotkor futbol uchun tanqidlar ostida qolib ketgan.


"Borussiya" Robin Gud kabi ochkolarni "bechora" jamoalarga ulashmoqda. SHunga qaramay, jamoa Lyusen Favr ketadigan darajada yomon o'yin ko'rsatmayapti. Dortmundliklar mehmondagi so'nggi uch uchrashuvning barchasida zafar quchishdi.


"Borussiya" o'tgan tur Bundesligada "Volfsburg" ustidan yirik g'alabaga erishdi. Kubokda Menxengladbaxning "Borussiya"sini taslim etishdi. CHempionlar ligasida esa "Inter"ni chiroyli tarzda mag'lubiyatga uchratishdi. Ayni damdagi jamoaning asosiy etakchisi - Ashraf Hakimi. U o'z qanotida fantastik o'yin ko'rsatib, hujumlarda juda yaxshi harakat qilmoqda.


Mehmonlar to'rt yildan beri Myunxenda omadsizlikka uchrashyapti

Bu bahs "Borussiya" uchun katta ahamiyatga ega. "Klassiker" anchadan beri o'z muxlislarini kutilmagan natijalar bilan xursand qilmayapti. Dortmund klubi to'rt yildan beri Myunxenda hech narsa qila olmayapti.


"Bavariya" dortmundliklarga qarshi chempionatda o'tkazgan uyidagi so'nggi to'rtta bahsning barchasida zafar quchgan. To'plar nisbati 20-2. Bundan tashqari "arilar" 2014 yildan buyon janubiy hududda g'alaba nimaligini bilmayapti.


Robert Levandovski sobiq klubiga qarshi o'tkazgan oxirgi 5ta uchrashuvida 10ta gol urishga muvaffaq bo'ldi. Polyak bu jamoalar o'rtasidagi to'qnashuvlarning eng yaxshi to'purari hisoblanadi.


Hozir Dortmund klubi uchun juda qulay vaziyat, chunki ular raqibga nisbatan yaxshiroq formada. Ammo "Bavariya" har qanday vaziyatda ham raqibning hayotini og'irlashtira olishini isbotlagan.


Mezbonlarda uch himoyachi yo'q

Bu bahsda ikkala jamoa ham optimal tarkibni maydonga tushira olmaydi. Ayniqsa mezbonlar. Kamdan-kam sodir bo'ladigan voqea, ammo "Bavariya"ning birdaniga uch asosiy markaziy himoyachisi o'ynay olmaydi.


Niklas Zyule ancha oldin jarohat olgan va u deyarli mavsumni yakunlab bo'ldi. Lukas Ernandes yil oxirigacha safdan chiqqan. Jerom Boateng esa qizil kartochka olib, 2ta uchrashuv o'tkazib yuboradigan bo'ldi. Bu yo'qotishlarni odatiy deb bo'lmaydi.


Dortmundliklarda vaziyat og'ir emas. Tarkibda jarohatlanganlar deyarli yo'q. Ammo mushak muammolari tufayli bazi o'yinchilar maydonga tusha olmasligi mumkin. Jeydon Sancho va Marko Roys faqat bitta mashg'ulotda ishtirok etishdi va bu futbolchilar bo'yicha qaror o'yindan oldin qabul qilinadi.


Taxminiy tarkiblar

"Bavariya": Noyer, Deyvis, Alaba, Martines, Pavar, Alkantara, Kimmix, Koman, Myuller, Gnabri, Levandovski.


"Borussiya" D: Byurki, SHulc, Xummels, Akanji, Pishek, Deleyni, Vitsel, Azar, Roys, Hakimi, Alkaser.



Murabbiylar fikrlari

Xans-Diter Flik: "Ayni damdagi asosiy nishon "Borussiya"ni mag'lub etish. Bu menga va jamoaga o'zgacha kuch bermoqda. Yigitlar tayyorligini his qilyapman. Qolgani qiziq emas".


Lyusen Favr: "Ularda yaxshi himoyachilar etarlicha. So'nggi besh yilda Myunxenda katta qiyinchiliklarga uchradik, ammo qo'rqmaymiz".

Bayern Munich

Robert Lewandowski - 17', Serge Gnabry - 47', Robert Lewandowski - 76', Mats Hummels - 80'

1. Bundesliga . 11-tur

09/11/2019, 22:30

0
:
4
Tugadi

Borussia Dortmund

Stadion: Allianz Arena, 75000 tomoshabin

Bosh hakam: Felix Zwayer

45'
90'
17'  Robert Lewandowski
17'  Benjamin Pavard
47'  Serge Gnabry
47'  Thomas Mueller
67'  Kingsley Coman
70'  Serge Gnabry (Philippe Coutinho)
72'  Leon Goretzka (Thiago Alcantara)
75'  Kingsley Coman (Ivan Perisic)
76'  Robert Lewandowski
76'  Thomas Mueller
80'  Mats Hummels
90'  Joshua Kimmich
36'  Jadon Sancho (Raphael Guerreiro)
61'  Julian Weigl (Paco Alcacer)
61'  Mario Goetze (Marco Reus)
63'  Marco Reus

Reyting: +2   

Fikrlar

+2   
09 noy 14:03:42
Mil.bar.liv.dort.
Daxshatli jang bolsa xursand bolardik. Barussiyaga omad
+1   
09 noy 21:30:26
Husayn Bayern Munich
Bavariya Myunxen +++
   
09 noy 19:33:37
liverpol fc .ac inter .
Borussiya dortmund olga
   
09 noy 18:33:01
Nozim 7 Ribery 7
"Бавария" дортмундликларга қарши чемпионатда ўтказган уйидаги сўнгги тўртта баҳснинг барчасида зафар қучган. Тўплар нисбати 20-2. Бундан ташқари "арилар" 2014 йилдан буён жанубий ҳудудда ғалаба нималигини билмаяпти."" 20:2 shunchaki dahshat. Albatta bu Bavariyaning Nemis futboli qiroli ekanligini isbotlaydi...
   
09 noy 18:30:48
Nozim 7 Ribery 7
Kotta yo'qotishlarga qaramay Myunhen yulduzlariga omad tilab qolaman. Hudo hohlasa Bavariya g'alaba qozonadi...
   
09 noy 17:56:32
Жавоҳир Мустафоев
Уюқудан кечиб кўришга арзигулик ўйин бўлсин қолгани қизиқмас!!!
   
09 noy 17:21:28
Lewandowski
eng asosiysi qaysi biri yutsa ham, gollarga boy o'yin bo'lsin.
   
09 noy 17:14:21
Lewandowski
Sport TV bu o'yinni olib berarkanmi? Bilganlar aytib yuborsin
   
09 noy 16:05:25
Байко Омаров
Bavariyada juda katta yo'qotishlar bor va bu uyin vaxtida seziladi bavariyaga omad
   
09 noy 16:04:57
Байко Омаров
Bavariyada juda katta yo'qotishlar bor va bu uyin vaxtida seziladi bavariyaga omad
   
09 noy 15:00:28
MUNCHEN BAYER 2019
Bavariyaga omad
   
09 noy 14:53:46
Special_Man
Lester Arsenalga preview bormi????
   
09 noy 14:23:47
Abdunazar
"Arilar"ni qaysi turi ekana? Asal.ari. Qovoq.ari. Sariq.ari. Gov.ari.
   
09 noy 14:17:57
Марфуша! Ғам-ғуссага не ҳожат.
2013 йилларда шу икки жамоани ўйинларидини соғинганлар борми? "Дер классикер"да ўйин анча қизғин кечар эди.
   
09 noy 14:07:22
FCNAV FCBARSA
Боруссия дортмундга омад
championat.asia
< so’nggi yangiliklarni ko’rish
Яндекс.Метрика

CA ni Facebook da o’qish
uchun "Yoqdi"ni bosing