JCH-2022 saralashi. Aleksandr Krestinin: "Tojikiston bilan o'yinlar doim quvnoq o'tgan"

Bu haqda Tojikiston futbol Federaciyasi rasmiy sayti xabar berdi.

Aleksandr Krestinin, Qirg'iziston terma jamoasi bosh murabbiyi:

– Tojikistonliklarga bizni iliq kutib olishgani uchun rahmat aytaman. Biz uchun ajoyib, qulay sharoitlar yaratib berilgan. Tojikiston bilan o'yinga rejaga ko'ra tayyorgarlik ko'rdik, barchasi reja bo'yicha ketmoqda. Jamoamizda kayfiyat yaxshi, uchrashuvga jiddiy tayyorgarlik ko'rayapmiz. Tojikiston bilan qaerda o'ynasak ham Dushanbedami, Bishkekdami farqi yo'q, o'yinlarimiz doim quvnoq o'tgan. SHu bois ertaga yorqin, yaxshi, keskin o'yin bo'ladi deb o'ylayman.

– Ilk o'yindagi muvaffaqiyat JCH-2022 saralashida hal qiluvchi bo'lishi mumkinmi?
– Tojikiston bilan o'yin hal qiluvchi bahs deb o'ylamayman. Bir tomonlama muhim, ikkinchi tomondan biz uchun har bir bahs oltinga teng. Saralash bosqichi yakuniga etayotganda hal qiluvchi o'yinlar bo'ladi. Saralash bosqichining avvali shunchaki hayajonni bosib olish.

– Tojikiston haqida nima deya olasiz?
– Ushbu jamoaning so'nggi o'yinlarini ko'rdik. Kuchli tomonlarini o'rgandik. Sizlarda bosh murabbiy o'zgardi, tarkibda o'zgarishlar bor, bularning barini inobatga olganmiz. Ammo ertaga raqib qanday o'ynashini bilmaymiz. Bazi variantlarni taxmin qilayapmiz, bu tushunarli, xuddi shunday tarzda Tojikiston ham bizni o'rganmoqda.

– Minskning «Dinamo» klubi himoyachisi Valeriy Kichin ertangi o'yinga oilaviy sabablar bilan chaqirilmadi. Bu haqda nima deya olasiz? Yana bir savol Qirg'iziston terma jamoasi 1 sentyabr kuni yig'ildi. Bu vaqt Tojikiston bilan o'yinga tayyorgarlik uchun etarli bo'ldimi?
– Ha, haqiqatdan ham Valeriy Kichin oilaviy sabablar tufayli ertangi bahsda bizga yordam bera olmaydi. U bizga keyingi o'yinlarda as qotadi. Faqat Kichin emas yana uch nafar futbolchi jarohatlari bois Dushanbega kelmadi: bular Viktor Mayer, Guljigit Alikulov va Anton Zemlyanuxin. Bu futbol, barcha bir vaqtda sog' bo'lmasligi mumkin.

FIFA kunlari 2 sentyabr kunidan boshlandi, biz 1 sentyabr kuni tayyorgarlikni boshladik. Ko'plab futbolchilarimiz xorijda o'ynashadi, shu bois undan oldin hech qanaqasiga terma jamoani to'play olmasdik. Albatta, istalgan murabbiy tayyorgarlik uchun ko'proq vaqt bo'lishini xohlaydi. Ammo biz bunday taqvimga tayyor edik.

Edgar Bernxardt, Qirg'iziston terma jamoasi yarim himoyachisi:

– Bizning murabbiylar shtabimiz Tojikiston terma jamoasi o'yinini tahlil qilib berishdi, raqib o'yinlarini tomosha qildik. Odatiy tarzda tayyorgarlik ko'rayapmiz, barchasi reja bo'yicha ketmoqda, qanday o'ynashni bilamiz. Ertaga bizda o'z vazifamiz bor. Biz uchun har bir o'yin muhim. Qandaydir bosim yoki boshqa narsani his qilmayapmiz.

Tajikistan Alisher Dzhalilov - 41'

World Cup Qualification AFC 2nd Round Grp. F . 1-tur 05/09/2019, 19:00 0 : 1 Tugadi

Kyrgyzstan

Stadion: 17800 tomoshabin

45'

90'

41'  Alisher Dzhalilov

87'  Manuchehr Dzhalilov (Sheriddin Boboev)

89'  Muxammadzoni Raximov (Jahongir Ergashev)

90'  Parvizdzhon Umarbaev (Komron Tursunov)

25'  Kairat Zhyrgalbek

35'  Azamat Baymatov

46'  Akhlidin Israilov (Tursunali Rustamov)

69'  Bakhtiyar Duyshobekov (Abai Bokoleev)

71'  Tamirlan Kozubaev

75'  Farhad Musabekov (Alimardon Shukurov)

Match-senterda ochish