"Nasaf" o'z maydonida Navoiyning "Qizilqum" klubini qabul qiladi. Uchrashuv 20:00da boshlanadi. Quyida ushbu o'yinga doir bazi ma'lumotlarni keltirib o'tamiz.
"Nasaf"
- "Nasaf" turnir jadvalida 10 ochko bilan 5-o'rinni egallab turibdi. Jamoa uchtadan o'yinda g'alaba qozongan va mag'lubiyatga uchragan. Bir marta durang qayd etgan. To'plar nisbati 11-8.
- "Nasaf" oxirgi ikki turni g'alaba bilan tugatdi. Jamoa Andijonda imkoniyatni boy berganidan so'ng o'z maydonida AGMK, safarda "Buxoro"ni mag'lub etdi.
- "Nasaf" oxirgi ikki uchrashuvda o'z darvozasidan gol o'tkazmadi. To'plar nisbati 5-0.
- Bugun "Nasaf" o'z maydonida to'rtinchi o'yinini o'tkazadi. Avvalgi uchta bahsning ikkitasida jamoa g'alabaga erishib, bir bor mag'lub bo'lgan.
- "Nasaf" Qarshida hali durang qayd etgani yo'q.
"Qizilqum"
- "Qizilqum" 8 ochko to'plab musobaqa jadvalida 9-o'rinda boryapti. Bu jamoa ikkitadan g'alaba va durang qayd etib, uch bor mag'lubiyatga uchragan. Umumiy to'plar nisbati 8-11.
- "Qizilqum" qatorasiga uchta mag'lubiyatdan so'ng o'tgan turni g'alaba bilan yakunladi. Hamidjon Aktamov shogirdlari uyda "Bunyodkor" ustidan 1:0 hisobida zafar quchishdi.
- "Qizilqum" ushbu mavsum boshidan beri safarda hali g'alaba nashidasini surgani yo'q. Navoiyliklar ikki bor mag'lubiyatga uchrab, bir marta durang qayd etishdi.
- "Qizilqum" safar o'yinlarida o'z darvozasidan 8ta gol o'tkazdi va bu borada "Qo'qon-1912" (-13 gol) va AGMK (-9 gol)dan keyin uchinchi o'rinda boryapti.
Oxirgi 5 o'yin
2018 yil. Ikkinchi bosqich. "Nasaf" - "Qizilqum" 4:2
2018 yil. Birinchi bosqich. "Nasaf" - "Qizilqum" 0:0
2017 yil. "Nasaf" - "Qizilqum" 2:0
2016 yil. "Nasaf" - "Qizilqum" 2:0
2015 yil. "Nasaf" - "Qizilqum" 3:1
Qarshida kechgan oxirgi 5ta o'yinning to'rttasida omad "Nasaf" tomonida bo'lgan. Faqat bir marta 0:0 qayd etilgan. Qizig'i shundaki, "Nasaf" oxirgi to'rtta g'alabasini ikkita to'p farqi bilan qo'lga kiritgan. "Qizilqum" oxirgi besh o'yinda raqib darvozasiga faqat 3ta gol urgan.
