Мурод Исмоилов: “Ҳужумчи дегани Ваҳобовдек бўлиши керак”

“Авваламбор "Бухоро" мухлисларини чиройли ғалаба билан табриклайман. Бугун барча жуда ҳам чиройли ўйиннинг гувоҳига айланди. Кўп вазиятлардан фойдалана олмадик. Ҳар иккала бўлимда бизда гол киритиш учун имконият бўлди”.

“Бу учрашувда маҳорат бобида "Бухоро" биздан устун эди. Барибир тажриба ўз самарасини берди ва "Бухоро" бугун ғолиб бўлди”.

“Ҳужумчи дегани Ваҳобовдек бўлиши керак. Бутун учрашув давомида кўринмай туриб, унга яратилган битта имкониятдан унумли фойдаланиши керак. Вахобов айнан шундай ҳужумчилар тоифасидан эканлигини яна бир бор исботлади”.

“Сўнгги пайтлар "Пахтакор" иштирокидаги учрашувларда бунчалик мухлис келганлигини эслолмайман. Бухоролик мухлислар ажойиб қўллаб-қувватлашларини эшитганман, мана бугун ўзим бунинг гувоҳига айландим. Чиройли ва тартибли қўллаб-қувватлашди,тасанно!”