Зукко мухлис танлови! (№2)

Бугун ушбу лойиҳанинг иккинчи турини ўтказамиз. Демак, қуйидаги саволларга жавоб беринг ва ғолиб бўлинг. Энг кўп жавобни топган мухлис ғолиб саналади.

Зукко мухлис танлови № 2:
1.   Футбол қоидаларига кўра жамоалардан бирининг 5 футболчиси майдондан четлатилса, ўйин давом эттирилмайди. Миллий чемпионатимизда ҳозирча бунақаси бўлмаган, аммо олий лигада томонлардан бирининг 4 футболчиси майдондан четлатилган. Шу каби ўйинлар қачон ва қайси жамоалар ўртасида ўтган?
2.   Пенальтини бехато бажариш борасида ҳам футболчилар орасида рекордчилар бўлиши табиий. Миллий чемпионатимизда айни пайтда рекордчи футболчи ким ва у неча марта бехато пенальтини амалга оширган?
3.   Ўзбекистон чемпионати олий лигасида энг кўп гол урган футболчи ким?
4.   Бир ўйинда энг кўп гол урган Улуғбек Бақоев ҳисобланади. У ўша мавсумда жами нечта гол урган?
5.   Миллий чемпионатимиз тарихида икки марта ўта йирик жанговор дуранг 5:5 ҳисоби қайд этилган. Аммо улардан бири ўйиндан сўнг бекор қилиниб меҳмон жамоага техник ғалаба туҳфа этилган. Шу икки ўйин қайси ва иштирокчи жамоалар номини топинг.
 
Бахтиёр Ширинов


Жавоблар 2 октябрь, соат 19:00га қадар қабул қилинади.