Хави "Атлетик"ка қарши ўйин ҳақида: "Уч ўйин "Барселона"ни совриндан ажратиб турибди"
23 янв 22:48
Янгиликлар

Хави "Атлетик"ка қарши ўйин ҳақида: "Уч ўйин "Барселона"ни совриндан ажратиб турибди"

"Барселона" эртага тунда Испания Кубоги 1/4 финалида "Атлетик"ка қарши баҳс олиб боради.

Каталония клуби бош мураббийи ушбу учрашув олдидан фикрларини билдирди.

"Бу муҳим учрашув, соврин учун курашда мағлуб бўлган жамоа турнирдан чиқиб кетаверади. Бундай рақиб бўлишини истамагандик, улар ўз майдонида, ўз мухлислари қаршисида ўйнашади, мураббийи ҳам ажойиб. Ушбу босқичдаги энг кучли жамоалардан бири. Ўтган кунларда улар "Валенсия"га мағлуб бўлишди, бироқ улар жуда яхши ўйин кўрсатишмоқда ва яхши прессинг қилишади.
Оғир ўйин бўлади. Бироқ биз бунга тайёрмиз. Ҳали ҳеч ким ютмаган ушбу стадионда биз ғалаба қозонгандик. Уч ўйин бизни совриндан ажратиб турибди.
Эртанги ўйинда ғалаба қозониш яхши иш бўларди, кейин ярим ва финал. Яхши ўйин кўрсатиш керак. Ўтган учрашувдаги 10 дақиқани инобатга олмаганда биз жуда тартибли ўйин кўрсатдик. Лекин эртага тўпни бунчалик кўп ушлаб тура олмамиз. "Сан-Мамес"даги атмосфера "Бенито Вильямарин"чалик эмас", - деди Хави.

Ҳавола :

Манба : Goal

Янгиликларни Телеграмда ўқинг!

Рейтинг: +2