Венсан Компани: "Яқин йилларда ПСЖнинг қатор футболчилари Месси, Неймар ва Ибрагимович даражасига чиқади"
26 ноя 2024 07:25
Янгиликлар
Венсан Компани: "Яқин йилларда ПСЖнинг қатор футболчилари Месси, Неймар ва Ибрагимович даражасига чиқади"
Мюнхеннинг "Бавария" клуби бош мураббийи Венсан Компани Чемпионлар Лигасидаги бўлажак рақиб ПСЖнинг жорий мавсумдаги ўйинига баҳо берди.
"Биз Европанинг энг кучли клубларидан бирига қарши ўйин ўтказамиз. Уларда ажойиб ўйинчилар ва жаҳон даражасидаги мураббий бор. ПСЖ - ўта иқтидорли жамоа. Яқин йилларда жамоанинг кўплаб футболчилари Месси, Неймар ва Ибрагимович даражасига чиқишади.
ПСЖнинг чизиқлари ўртасида бўш зона деярли бўлмайди, улар агрессив ва анча сифатли прессинг уюштиришади. Тўпга эгалик қилганда эса аниқ режалари мавжуд. Чиндан ҳам биз анча кучли жамоага қарши майдонга тушамиз", — деди Компани матбуот анжуманида.
Эслатиб ўтамиз, "Бавария" - ПСЖ ўйини бугун тунда Чемпионлар Лигаси 5-тури доирасида Мюнхенда бўлиб ўтади.
Ортда қолган 4 учрашувдан кейин немис клуби 6 очко билан 17-ўринда бормоқда, парижликлар эса — 25-поғонада (4 очко).
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар