Вадим Абрамов: “Ўйлайманки, кўрсатган ўйинимиз мухлисларга ёқди”
01 июн 2014 23:20
Янгиликлар

Вадим Абрамов: “Ўйлайманки, кўрсатган ўйинимиз мухлисларга ёқди”

“Локомотив” - “Олмалиқ” ўртасидаги беллашувдан сўнг бўлиб ўтган матбуот анжуманининг иккинчи қисмида “термирйўлчилар” бош мураббийи Вадим Абрамов иштирок этди.

- Жиддий рақибга қарши баҳс олиб бордик ва бу ўйинда ғалаба қозонишни уддаладик. Биз “Олмалиқ”ни яхшилаб ўрганиб чиққандик. Агар мағлубиятга учраганимизда тўртинчи ўринга тушиб кетишимиз мумкин эди. Ўйлайманки, кўрсатган ўйинимиз одамларга ёқди.

- Жамоа ўз ўйинини топиб олдими?
- Турдан турга ўйинимиз яхшиланиб боряпти. Лекин янада чиройли футбол намойиш этишимиз учун бизга маҳоратли футболчилар керак бўлади. Қолаверса, олий лигамизда ўйинлар сони анча кам. Тўққиз ойда атиги 26та ўйин ўтказамиз, бу эса кам деганидир. Футболчи шаклланиб бориши учун ҳар доим кўп ўйинларда майдонга тушиши лозим.

- Интернетда Артём Филипосяннинг “Локомотив”га ўтиши ҳақида гап-сўзлар пайдо бўлди.
- Ҳа, буни инкор этмайман. Агар бирор кор-ҳол юз бермаса Филипосяннинг бизга келиши юз фоизга аниқ.

Х.Холиқов ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: