УEФА Евро-2024 тимсолини тақдим этди
20 июн 2023 14:11
Янгиликлар

УEФА Евро-2024 тимсолини тақдим этди

УEФА 2024 йил Германияда бўлиб ўтадиган футбол бўйича Европа чемпионатининг расмий тимсолини намойиш қилди.

Айиқ боласи мусобақанинг расмий сиймосига айланди.

"Тимсол ХХ аср бошларида Германияда ихтиро қилингани айтилган машҳур болалар ўйинчоғига, айиқчага эҳтиром кўрсатади. Айиқча бутун Европа бўйлаб 10 миллион болани фаол бўлишга илҳомлантиришга ҳаракат қилади. У мактабларда ўзининг #MakeMoves (Ҳаракат қил) саёҳатини бошлайди ва ўқувчиларни жисмоний фаолликка ундайди", – дейилади УЕФА баёнотида.

Шунингдек, кейинги икки ҳафта ичида УEФАнинг "мактабларда футбол" дастурида иштирок этувчи болалар uefa.com сайти ўқувчилари билан биргаликда овоз бериш йўли билан тимсол номини танлайдилар.

Евро-2024 14 июндан 14 июлгача бўлиб ўтади. Мусобақа гуруҳ босқичида 24 та жамоа иштирок этади.

Ҳавола :

Манба : uefa.com

Янгиликларни Телеграмда ўқинг!

Рейтинг: +8