"Арсенал" "Челси"ни мағлуб этиб, финалга йўл олди

"Эмирейтс" стадионида кечган жавоб баҳсида ҳам "канонирлар" 1:0 ҳисобидаги ғалабани қўлга киритишди. Эслатиб ўтамиз, дастлабки учрашувда ҳам "Арсенал"нинг қўли баланд келган эди — 3:2.

Ўйин тафсилотлари:

Учрашув тақдирини 90+7-дақиқада Кай Хаверц томонидан киритилган ягона гол ҳал қилди. Германиялик футболчи ўз собиқ жамоаси дарвозасини ишғол қилиб, "кўклар"ни мусобақадан чиқариб юборди.

Энди "Арсенал" 22 март куни "Уэмбли" стадионида бўлиб ўтадиган финалда "Манчестер Сити" — "Ньюкасл" жуфтлиги ғолиби билан баҳс олиб боради.

Маълумот учун, Англия лига Кубогининг амалдаги соҳиби "Ньюкасл" ҳисобланади. "Қарғалар" ўтган йили финалда "Ливерпуль"ни мағлуб этиб, ўз тарихларида илк бор ушбу совринга эга чиқишган эди.

Англия Лига кубоги. Ярим финал, жавоб ўйини

"Арсенал" — "Челси" (Биринчи ўйин — 3:2)

"Арсенал": 13. Кепа Аррисабалага (Д), 2. Вильям Салиба, 6. Габриэль, 5. Пьеро Инкапье, 12. Юрриен Тимбер, 41. Деклан Райс, 36. Мартин Субименди, 10. Эберечи Эзе, 20. Нони Мадуэке, 11. Габриэль Мартинелли, 14. Виктор Дьёкереш.

"Челси": 1. Роберт Санчес (Д), 27. Мало Гюсто, 29. Уэсли Фофана, 23. Трево Чалоба, 21. Йоррель Хато, 3. Марк Кукурелья, 25. Мойсес Кайседо, 17. Андрей Сантос, 8. Энцо Фернандес (С), 20. Жоау Педру, 9. Лиам Делап.