Туркманистон чемпионати. Геворкян гол урган учрашувда “Ахал” ғалаба қозонди

Ҳозирда давом этаётган кам сонли чемпионатлар қаторида Туркманистон чемпионати ҳам бор. Кеча мамлакат юқори лигасининг иккинчи даврасининг 8-тур учрашувларига старт берилди. Ўзбекистонлик мухлисларга яхши таниш бўлган Артур Геворкян тўп тепаётган “Ахал” жамоаси сафарда “Небитчи” жамоаси меҳмони бўлди ва 2:1 ҳисобида ғалаба қозонди. Дастлаб мезбонлардан Мердан Гурбанов 9-дақиқада ҳисобни очган бўлса, 38-дақиқада Геворкян гол уриб ўртадаги мувозанатни тенглаштирди. Иккинчи бўлимда унинг жамоаси иккинчи голни урди ва ортга уч очко билан қайтди. Қолган учрашувларда эса қуйидаги натижалар қайд этилди.

8-тур, 13 май
“Ашҳобод” – “Шагадам” - 1:1.
Голлар: Шатлик Гурбанов, - 16 – Ихлас Магтымов, 54.

“Марв” – “Олтин Асир” - 0:4.
Голлар: Михаил Титов 34, Алтимурод Аннадурдиев 39, Ровшегельди Ҳалмамедов 78, Мердан Мухадов 90+2 (пен).

“Небитчи” – “Ахал” - 1:2.
Голлар: Мердан Гурбанов, 9 – Артур Геворкян 38, Сохбет Аллануров 69.

Бугун бўлиб ўтадиган “Энергетик” ва “Копетдоғ” ўртасидаги учрашув билан мазкур турга якун ясалади.

Эслатиб ўтамиз, кейинги турни жамоалар 18 ва 19 май саналарида ўтказишади. Унда қуйидаги ўйинлар бўлиб ўтади:

“Копетдоғ” – “Ашҳобод”
“Шагадам” – “Небитчи”
“Энергетик” - “Марв”
“Ахал” – “Марв”

Туркманистон футбол Федерацияси расмий сайти асосида тайёрланди