Туркия Суперлигаси. Карвонбоши "Фенербахче"ни таслим қилган турда "Бешиктош" ўз уйида мағлуб бўлди

Ўртамиёна ва аутсайдер тўқнашуви

Мавсум бошидан то 10-турга қадар биринчи поғонани ҳеч кимга бермай келган "Аланьяспор" ўз майдонида хавфли зонага тушиб қолган бечораҳол жамоалардан бири бўлган "Антальяспор"ни қабул қилди. Кескин ва муросасиз курашлар остида ўтган учрашувда ҳар иккала томон ҳам вазиятлардан фойдаланишда оқсашди. Шу сабабли баҳс нурсиз дуранг билан якунланди. Қайд этилган натижадан сўнг, мезбонлар 8-ўринга тушиб қолишди. Анталияликлар эса, эгаллаб турган 16-поғоналарини сақлаб қолишди.

Рақобатчилар қарама-қаршилиги

Мусобақа жадвалида жуда зич жойлашган "Ризеспор" ва "Қосимпошо" жамоалари ўзаро тўқнаш келишди. Мезбон Ризе шаҳри эгалари ўз мухлислари қаршисида ўйнаганига қарамай рақибларига йирик ҳисобда имкониятни бой беришди. Бевосита ўйинга тўхталадиган бўлсак, олдинига меҳмонларнинг гвинеялик 29 ёшли легионер ҳужумчиси Бенгали-Фоде Койта 17 ҳамда 27-дақиқаларда тезкор "дубль"ни расмийлаштирди. Асосий вақтга қўшиб берилган дақиқаларнинг биринчисида маҳаллий 26 ёшли вингер Айтак Кара чиройли гол урди ва якуний ҳисобни ўрнатди.

Измирликлар Анқарага учишди

Турнир жадвалида бир-бирига жуда яқин жойлашган клублар "Генчлербирлиги" ҳамда "Гёзтепе" ўзаро жанг олиб боришди ва унда мезбонлар йирик ҳисобдаги ғалабани тантана қилишди. Голларга келсак, аввалига Руминия терма жамоаси асосий марказий ҳужумчиси Богдан Станку ҳисобни очиб берди ва лекин орадан беш дақиқа ўтар-ўтмас меҳмонларнинг 31 ёшли бразилиялик ҳимоячиси Уоллас Рейс мувозанатни тиклашга эришди. Бироқ бу ҳали ҳаммаси эмас эди. Яна икки дақиқа ўтмасидан Жованни Сио анқараликларни ҳисобда олдинга олиб чиқди. Иккинчи бўлим ўрталарига келиб эса, ўша тиниб-тинчимас Станку ўйиндаги ўзининг иккинчи жамоасининг эса учинчи голини урди ва якуний ҳисобни ўрнатди - 3:1.

Яққол аутсайдер Галата саройида меҳмон

Ҳамиша фақат ва фақат чемпионлик учун курашиб келган кучли иштирокчилардан бири бўлган бутун ер юзида ўзининг миллионлаб мухлисларига эга жуда машҳур клублар қаторида турувчи "Галатасарой" ўз уйида сўнгги пайтлар кетма-кет мағлубиятлар натижасида сўнгги поғонагача шўнғиган иштирокчи жамоа "Анқарагюжю"ни меҳмон қилди. Кутилганидек кескин руҳда кечган баҳсда 2:2 ҳисобидаги жанговар дуранг қайд этилди. Барча голлар ўйиннинг иккинчи ярмида урилди. Дастлаб, бир вақтлар Испаниянинг "Валенсия" ҳамда Англиянинг "Вест Хем" клублари шарафини ҳимоя қилган 29 ёшли жазоирлик иқтидорли ярим ҳимоячи Софиан Фегули ҳисобни очди ва 83-дақиқага келибгина марокашлик Юнус Беланда пенальтини аниқ амалга ошириш орқали ҳисобни иккитага оширди. Аммо бу ҳали ҳаммаси эмас эди. Кўп вақт ўтмай, қарама-қарши дарвозага ҳам 11 метрли жарима зарбаси юзага келди ва ундан Ильхан Парлак унумли фойдаланди. Асосий вақтга қўшиб берилган дақиқаларнинг дастлабкисида фаолияти давомида фақат шу Анқара шаҳри жамоасида ўйнаган грециялик мудофаа чизиғи вакили Стелиос Кициу катта саҳнага чиқди ва жамоасини муқаррар мағлубиятдан қутқариб қолди.

Аутсайдер ўртамиёна меҳмони бўлди

Оҳирги вақтларда ҳеч "кетмони учмаётган" жамоа "Қайсариспор" бу сафар турнир жадвали ўрталарида юрган "Газиантеп" майдонида меҳмон бўлди ва яна ютқазиб қўйди. Мезбонлардан голларга Гюрай Вурал бир марта ва нигериялик ёш умидли ҳужумчи Оларенважу Кайоде икки марта муаллийлик қилишди. Газиликлар ушбу қўлга киритилган 3 очко натижасида бир поғона кўтарилишга эришган бўлса, меҳмонлар эгаллаб турган ўринларидан силжишмади.

Карвонбоши яна ғолиб

Туркиянинг ер юзида миллионлаб мухлисларга эга бўлган кўпчиликка маьлум ва машҳур ўзи учун буюк тарихни юзага келтирган клубларидан бири “Фенербахче” айни пайтда ўзига ярашмаган ўринни эгаллаб турибди. Ўтган тур доирасида Анқара шаҳри жамоасини йирик ҳисобда янчиб ташлаган истанбулликлар бу сафар янги пешқадам “Сивасспор” меҳмони бўлдилар ва мағлубиятга кўчасига киришга мажбур бўлишди. Аввалига жорий масвум бошида Португалиянинг “Порту” клубидан харид қилинган бразилиялик ёш умидли ярим ҳимоячи Фернандо ҳисобни очди. Кейинчалик иккинчи бўлимнинг 59-дақиқасида 25 ёшли маҳаллий футболчи Эмре Килинч фарқни иккитага оширди. Шундан сўнг, ўйин оҳирларида Макс Крузенинг ўрнига захирадан ўйинга қўшилган Дениз Тюрюч баҳс тугашига беш дақиқа қолганида гол уриб, умид чироқларини ёқди. Асосий вақтга қўшиб берилган дақиқаларнинг еттинчисида Зия Эрдал учрашувга мантиқий нуқтани қўйиб берди – 3:1.

“Бешиктош” мағлубиятга учради

Сўнгги турларда фақат ва фақат ғалабани ўйлаб майдонга тушаётган ҳамда амалда ҳам мақсадига эришиб келаётган ўзининг ажойиб тарихига эга жамоа “Бешиктош” бу сафарги рақиби “Йени Малатьяспор” қаршисида ожиз қолди. Ўйин тақдири сўнгги дақиқаларида ҳал этилди. Дастлаб, 85-дақиқада иккинчи бўлим ўрталарида захирадан майдонга тушган “жокер” 27 ёшли конголик кўпчиликка маьлум ва машҳур бўлган ҳужумчи Тьеви Бифума ҳисобни очиб берди. Асосий вақтга қўшиб берилган саккизинчи дақиқада жамоа бош тўпурари Адис Яхович ҳисобни мустаҳкамлади – 0:2. Ушбу қайд этилган натижадан кейин 3-ўринга тушиб қолган бўлса, малатьяликлар бир поғона баландлаб 7-ўринга чиқиб олишди.

Икки 24 ёшли футболчи гол урган ўйинда дуранг

Сўнгги кутилмаган омадсизликлар натижасида хавфли зона ёқасига келиб қолган Конья шаҳри бош жамоаси бу сафар Истанбулда “Башакшеҳир” майдонида меҳмон бўлди ва кучли ирода ҳамда матонат эвазига 1:1 ҳисобидаги дурангга эришди. Бевосита голларга тўхталадиган бўлсак, аввалига мезбонларнинг 24 ёшли умидли легинер ўйинчиларидан бири африкалик ҳимоячи Карлуш Понк 26-дақиқада ҳисобни очганди ва лекин ушбу кичик устунлик ўйин сўнггигача сақлаб қолинмади. Иккинчи бўлим ўрталарига келиб, меҳмон жамоанинг айнан 24 ёшли футболчиси босниялик Дени Милошевич ҳисобни тенглаштирди ва клубини мағлубиятдан қутқариб қолди. Ушбу дуранг натижа Истанбул шаҳри жамоасини 2-ўринга олиб чиққан бўлса, коньяликларни 15-поғонага тушириб қўйди.

Дебютантдан сенсация

Жорий мавсум элитага қайтган ва кули иштирокчи клубларни додини бераётган “Денизлиспор” бу сафар меҳмонда “Трабзонспор”ни 1:2 кўринишида мағлубиятга учратди. Ха, албатта ушбу 3 очко осонликча қўлга киритилгани йўқ. Ўйинга келсак, олдинига меҳмонларнинг 26 ёшли ҳимоячиси Огуз Йилмаз ўз дарвозасини ишғол қилиб қўйиши билан ўйинда ҳисоб очилди. Иккинчи бўлимнинг 60 ҳамда 83-дақиқаларида кўпчиликка маьлум ва машҳур бўлган колумбиялик 34 ёшли супер форвард Уго Родальега тезкор “дубль”ни расмийлаштирди ва жамоасига муҳим ғалабани тақдим этди. Шу тариқа, Денизли шаҳри эгалари турнир жадвали “экватори”га жойлашиб олишди. Трабзонликлар эса, 4-поғонага тушиб қолишди.

Хондамир Ҳакимов тайёрлади