Тен Хаг: "Вазиятни изоҳлашни бошласам, буни ўзини оқлаш деб қабул қиласиз"

"Манчестер Юнайтед" клуби бош мураббийи Эрик тен Хаг клубнинг кўрсатаётган қониқарсиз ўйини ҳақида гапирди. Кеча жамоа ўз уйида "Галатасарой"га мағлуб бўлганди.

"Бу бизнинг ўйин эмас. Яхшироқ ҳаракат қилишимиз кераклигини биламиз. Бу вазиятдан биргаликда чиқиб кетамиз.

Агар вазиятни изоҳлашни бошласам, буни ўзини оқлаш деб қабул қиласиз. Ўзимни оқлаш ниятим йўқ. Ҳозиргидек хатолар қилишга умуман ҳаққимиз йўқ эди. Яхшироқ ўйин кўрсатишимиз шарт, бу шунчаки факт. Ғалаба қозонишимиз керак", -дейди Эрик тен Хаг.

Маълумот учун, МЮ кейинги учрашувини 7 октябрь куни "Брентфорд"га қарши ўтказади.