UZ

Сўнгги янгиликлар

23:59Саудия Арабистони. "Ал Ҳилол" мавсумни ишончли ғалаба билан бошлади  0 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   3 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  21 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  3 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  17 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  3 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  4 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0

Сардор Мирзаев: "Мақсадимиз қисқа фурсат ичида якдил жамоага айланиш" Янгиликлар

Сардор Мирзаев: "Мақсадимиз қисқа фурсат ичида якдил жамоага айланиш"

Хабарингиз бор, Ўзбекистоннинг амалдаги чемпиони "Локомотив" янги мавсумга тайёргарликни Туркияда олиб боряпти.

"Темирйўлчилар" Анталия йиғини доирасида ҳозирча иккита ўртоқлик учрашуви ўтказишди. Жамоа ушбу мавсум ҳисобидан илк расмий ўйинини 23 февраль куни Ўзбекистон Суперкубоги учун кечадиган беллашувда АГМКга қарши ўтказади.

Бу ўйинга, қолаверса бутун мавсумга тайёргарлик қандай кетаётганини билиш мақсадида жамоа етакчиларидан бири Сардор Мирзаевга юзландик.  

- Сардор, янги мавсумга тайёргарлик қандай кетяпти?
- Тайёргарлик яхши бўляпти. Ўтган мавсумдан кейин жамоамизда бир қатор ўзгаришлар рўй берди. Баъзи футболчилар кетиб, ўрнига янгилар келиб қўшилди. Энди бу - футбол, ўзгаришлар ҳар доим бўлган. Янги йилдан сўнг дастлабки йиғинни Дубайда ташкил қилгандик. Бунда баъзи футболчилар йўқ эди, ҳозир эса ҳамма жамоа сафида биргаликда машғулот ўтказяпти.

- Туркия йиғинида асосий эътибор нималарга қаратиляпти?
- Дубайдаги йиғинда кўпроқ жисмоний тайёргарлик устида ишлагандик, бу ерда эса асосан тактика бўйича машғулотлар олиб боряпмиз. Ўртоқлик ўйинлари орқали бир-биримизни тушунишга ҳаракат қиляпмиз.

- "Локомотив" ҳозирча Анталияда иккита ўртоқлик учрашуви ўтказди. Шу ўйинлар ҳақида фикрингиз?
- Бу ерда аввалига Москванинг "Динамо" клубига қарши, ундан кейин Қозоғистоннинг "Астана" клуби билан куч синашиб кўрдик. Ҳар иккала баҳс 1:1 ҳисобида якун топди. Яхши биласиз, ўртоқлик ўйинларида натижа унчалик муҳим эмас. Асосий эътибор жамоа ўйини сифатини оширишга қаратилган. Ҳар иккала баҳсда тактик футбол кўрсатишга ҳаракат қилдик.

- Жамоа мавсумга қанчалик тайёр деб ўйлайсиз?
- Буни расмий беллашувлар бошлангач билиб оламиз. Жорий йил ҳисобидан илк расмий учрашувни Ўзбекистон Суперкубоги доирасида 23 февраль куни АГМКга қарши ўтказамиз. Шу ўйинни ҳам ўз фойдамизга ҳал этишга ҳаракат қиламиз. Ундан кейин олдинда Осиё чемпионлар лигаси ва ички беллашувлар кутиб турибди.

- Янги келиб қўшилган футболчилар ҳақида қандай фикрдасиз?
- Шуни айтишим мумкин, жамоадаги ҳамма бор кучи билан ҳаракат қиляпти. Муҳими, янги футболчилар тезда "Локомотив"га мослашиб кетишди. Таркибимизда янгилардан Азиз Ҳайдаров, Арслонмурод Омонов, Йован Жокич, Филип Райевац, Жавоҳир Илёсов, Жамшид Искадеров, Даврон Ҳошимов каби футболчилар машғулот олиб боряпти. Мақсадимиз қисқа фурсат ичида якдил жамоага айланиш.

"Локомотив" ПФК матбуот хизмати.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика